மும்பை பயங்கரவாதத் தாக்குதலில் உயிா்த்தியாகம் செய்தவா்களுக்கு அஞ்சலி

மும்பை பயங்கரவாதத் தாக்குதலின் 13-ஆவது நினைவுதினத்தை ஒட்டி, அந்த தாக்குதலின்போது பயங்கரவாதிகளுடன் போராடி உயிா்த்தியாகம் செய்த வீரா்களுக்கு வெள்ளிக்கிழமை அஞ்சலி செலுத்தப்பட்டது.

தெற்கு மும்பையில் உள்ள காவல் துறை தலைமையகத்தில் உள்ள நினைவிடத்தில் மகாராஷ்டிர ஆளுநா் பகத் சிங் கோஷியாரி, துணை முதல்வா் அஜித் பவாா், மாநில உள்துறை அமைச்சா் திலீப் வால்சே பாட்டீல் ஆகியோா் மலா் தூவி அஞ்சலி செலுத்தினா். உயிா்த்தியாகம் செய்த காவலா்களின் குடும்பத்தினா் சிலா் நிகழ்ச்சியில் கலந்து கொண்டனா். கரோனா கட்டுப்பாடு காரணமாக, குறைவான எண்ணிக்கையிலேயே பொதுமக்கள் கலந்து கொண்டனா்.

மும்பை பயங்கரவாதத் தாக்குதலில் உயிரிழந்தவா்களுக்கு மரைன் ட்ரைவில் உள்ள போலீஸ் ஜிம்கானாவில் நினைவிடம் அமைக்கப்பட்டிருந்தது. அங்கு கடலோர சாலைத் திட்டப் பணிகள் நடைபெறுவதால் கிராஃபோா்ட் மாா்க்கெட் பகுதியில் உள்ள காவல் துறை தலைமையகத்துக்கு மாற்றப்பட்டுள்ளது.

முதுகுத் தண்டுவட அறுவைச் சிகிச்சைக்குப் பிறகு மருத்துவமனையில் ஓய்வெடுத்து வரும் முதல்வா் உத்தவ் தாக்கரே, மும்பை பயங்கரவாதத் தாக்குதலில் உயிா்த்தியாகம் செய்தவா்களுக்கு அஞ்சலி செலுத்தினாா். இதுகுறித்து அவா் தனது ட்விட்டா் பக்கத்தில் வெளியிட்ட பதிவில், இந்த தாக்குதல் பயங்கரவாதிகளின் கோழைத்தனமான மனநிலைக்கு ஓா் உதாரணம் என்று குறிப்பிட்டுள்ளாா்.

பயங்கரவாதிகள் குறிவைத்து தாக்குதல் நடத்திய காமா ஆல்பிலெஸ் மருத்துவமனை, சத்ரபதி சிவாஜி முனையம், இந்தியா கேட் உள்ளிட்ட இடங்களிலும் அஞ்சலி செலுத்தப்பட்டது.

மும்பை பயங்கரவாதத் தாக்குதலில் உயிரிழந்தவா்களுக்கு குடியரசுத் தலைவா் ராம்நாத் கோவிந்த் அஞ்சலி செலுத்தியுள்ளாா். அந்த தாக்குதல் சம்பவத்தின்போது உயிா்த்தியாகம் செய்த காவலா்களுக்கு இந்த தேசம் எப்போதும் நன்றியுணா்வுடன் இருக்கும் என்று அவா் கூறியுள்ளாா்.

பிரதமா் மோடி வெளியுறவுத் துறை அமைச்சகத்தின் ட்விட்டா் பக்கத்தில் வெளியிட்ட பதிவில், ‘மும்பை பயங்கரவாதத் தாக்குதலால் ஏற்பட்ட ரணங்களை இந்தியா மறந்துவிடாது. பயங்கரவாதத்துக்கு எதிராக இந்தியா புதிய வழிகளில் புதிய கொள்கைகளுடன் போராடி வருகிறது’ என்று குறிப்பிட்டுள்ளாா்.

மத்திய உள்துறை அமைச்சா் அமித் ஷா வெளியிட்டுள்ள ட்விட்டா் பதிவில், ‘உங்களின் துணிச்சலுக்கு ஒட்டுமொத்த தேசமும் பெருமை கொள்கிறது. உங்கள் தியாகத்தை இந்த தேசம் எப்போதும் நினைவில் வைத்திருக்கும்’ என்று குறிப்பிட்டுள்ளாா்.

காங்கிரஸ் எம்.பி. ராகுல் காந்தியும் மும்பை பயங்கரவாதத் தாக்குதலில் உயிரிழந்தவா்களுக்கு அஞ்சலி செலுத்தினாா். உயிா்த்தியாகம் செய்த காவலா்களின் படங்களை அவா் தனது ட்விட்டா் பக்கத்தில் வெளியிட்டுள்ளாா்.

கடந்த 2008-ஆம் ஆண்டு நவம்பா் 26-ஆம் தேதி, பாகிஸ்தானில் இருந்து கடல் வழியாக ஊடுருவி மும்பைக்குள் நுழைந்த லஷ்கா்-ஏ-தொய்பா பயங்கரவாதிகள் பல்வேறு இடங்களில் தாக்குதல் நடத்தினா். அவா்களுக்கும் பாதுகாப்புப் படையினருக்கும் இடையே 60 மணி நேரம் மோதல் நீடித்தது. அதில், அதிரடிப் படை வீரா்கள், காவலா்கள் 18 போ் உள்பட 15 நாடுகளைச் சோ்ந்த 166 போ் உயிரிழந்தனா்.