மழை காரணமாக நாட்டின் பல்வேறு பகுதிகளில் நிலக்கரி பற்றாக்குறை ஏற்பட்டுள்ளதாக மத்திய நிலக்கரித் துறை அமைச்சர் பிரகலாத் ஜோஷி தெரிவித்துள்ளார்.
நிலக்கரி பற்றாக்குறையால் நாட்டில் மின் உற்பத்தி பல்வேறு மாநிலங்களில் பாதிக்கப்படும் நிலை ஏற்பட்டுள்ளது.
இந்நிலையில் இது தொடர்பாக விளக்கம் அளித்துள்ள மத்திய அமைச்சர் பிரகலாத் ஜோஷி, தொடர் மழை காரணமாகவே நிலக்கரியின் சர்வதேச விலை அதிகரித்துள்ளது. இதனால் நிலக்கரிக்கு பற்றாக்குறையும் ஏற்பட்டுள்ளதாகக் கூறினார்.
இது தொடர்பாக அவர் மேலும் பேசியதாவது, மழை காரணமாக நிலக்கரி விலை ஒரு டன்னுக்கு ரூ.60 முதல் ரூ.190 வரை அதிகரித்துள்ளது.
இதனால், நிலக்கரி இறக்குமதி செய்து மின் உற்பத்தியில் ஈடுபடும் அனல் மின் நிலையங்கள் 15 முதல் 20 நாள்களுக்கு மூடப்பட்டுள்ளது. சில மின் உற்பத்தி நிலையங்களில் உற்பத்தி குறைக்கப்பட்டுள்ளது.
அனல் மின் நிலையங்களுக்கு தொடர்ந்து நிலக்கரி வழங்கப்பட்டு வருகிறது. நிலக்கரியை இருப்பு வைத்துக்கொள்ள மாநிலங்களுக்கு கோரிக்கை வைக்கப்பட்டுள்ளது. நிலக்கரி பற்றாக்குறை ஏற்படாது என்று உறுதியளித்தார்.