நிகழாண்டில் இந்தியாவின் பொருளாதார வளா்ச்சி 9.5 சதவீதமாக இருக்கும் என்று பன்னாட்டு நிதியம்(ஐ.எம்.எஃப்.) கணித்துள்ளது.
இதுகுறித்து அந்த அமைப்பு செவ்வாய்க்கிழமை வெளியிட்ட உலக பொருளதார நிலை அறிக்கையில் கூறப்பட்டிருப்பதாவது:
கரோனா பெருந்தொற்று காரணமாக, 2020-இல் இந்தியாவின் பொருளாதார வளா்ச்சி மைனஸ் 7.3 சதவீதமாக சரிவடைந்தது. 2021-இல் இந்தியாவின் பொருளாதார வளா்ச்சி 9.5 சதவீதமாகவும், 2022-இல் 8.5 சதவீதமாகவும் இருக்கும்.
அமெரிக்காவின் பொருளாதார வளா்ச்சி 2021-இல் 6 சதவீதமாகவும், 2022-இல் 5.2 சதவீதமாகவும் இருக்கும். இதேபோல், சீனாவின் பொருளாதார வளா்ச்சி 2021-இல் 8 சதவீதமாகவும், 2022-இல் 5.6 சதவீதமாகவும் இருக்கும்.
ஒட்டுமொத்தமாக உலகளாவிய பொருளாதார வளா்ச்சி 2021-இல் 5.9 சதவீதமாகவும், 2022-இல் 4.9 சதவீதமாகவும் இருக்கும் என்று அந்த அறிக்கையில் தெரிவிக்கப்பட்டுள்ளது.
உலக வங்கி, ஐ.எம்.எஃப். ஆகியவற்றின் வருடாந்திர கூட்டம் விரைவில் நடைபெறவுள்ள நிலையில் இந்த அறிக்கை வெளியிடப்பட்டுள்ளது.