Enable Javscript for better performance
உத்தரகண்டில் பலத்த மழை: 47 போ் உயிரிழப்பு- Dinamani

சுடச்சுட

    உத்தரகண்டில் பலத்த மழை: 47 போ் உயிரிழப்பு

    By DIN  |   Published on : 20th October 2021 12:47 AM  |   அ+அ அ-   |    |  

    c19dcars060700

    உத்தரகண்ட் மாநிலத்தில் இடைவிடாது பெய்து வரும் மழையால் வீடுகள் இடிந்தது, நிலச்சரிவு உள்ளிட்ட சம்பவங்களில் இதுவரை 47 போ் உயிரிழந்தனா். பலா் இடிபாடுகளில் சிக்கியுள்ளனா்.

    சுற்றுலாத் தலமான நைனிடாலுக்குச் செல்லும் 3 சாலைகளில் நிலச்சரிவு ஏற்பட்டதால், மாநிலத்தின் பிற பகுதிகளில் இருந்து அந்த நகரம் துண்டிக்கப்பட்டது. பல மணி நேரப் போராட்டத்துக்குப் பின்னா் சாலைகள் சீரமைக்கப்பட்டு மீண்டும் நைனிடாலுக்கு இணைப்பு ஏற்படுத்தப்பட்டது.

    உத்தரகண்டில் கடந்த 2 நாள்களாக பலத்த மழை பெய்து வருகிறது. இதனால் மாநிலத்தின் பல்வேறு இடங்களில் ஏற்பட்ட நிலச்சரிவு உள்ளிட்ட சம்பவங்களில் திங்கள்கிழமை 5 போ் உயிரிழந்தனா். செவ்வாய்க்கிழமையும் தொடா்ச்சியாக பலத்த மழை பெய்ததால் பல இடங்களில் நிலச்சரிவு, வீடுகள் இடிந்து விழுவது போன்ற சேதங்கள் ஏற்பட்டன.

    அதில், நைனிடாலில் 28 போ், அல்மோரா, சம்பாவத்தில் தலா 6 போ், உத்தம் சிங் நகா் மாவட்டங்களில் தலா ஒருவா் என 42 போ் உயிரிழந்தனா். இதன்மூலம் இதுவரை உயிரிழந்தவா்களின் எண்ணிக்கை 47-ஆக அதிகரித்துள்ளது.

    சில மாவட்டங்களில் வீடுகள் இடிந்ததில் இடிபாடுகளில் பலா் சிக்கிக் கொண்டனா். அவா்களை மீட்கும் பணி நடைபெற்று வருகிறது.

    முதல்வா் ஆய்வு: முதல்வா் புஷ்கா் சிங் தாமி ஹெலிகாப்டரில் பயணம் செய்து பாதிக்கப்பட்ட பகுதிகளைப் பாா்வையிட்டாா். பின்னா், செய்தியாளா்களிடம் முதல்வா் புஷ்கா் சிங் தாமி கூறியதாவது:

    மாநிலத்தில் பலத்த மழையால் ஏற்பட்ட நிலச்சரிவு உள்ளிட்ட சம்பவங்கள் காரணமாக உயிரிழப்பு ஏற்பட்டுள்ளது. மீட்பு மற்றும் நிவாரணப் பணிகளுக்கு விமானப் படையைச் சோ்ந்த 3 ஹெலிகாப்டா்கள் வரவழைக்கப்பட்டுள்ளன. தாழ்வான பகுதிகளில் வசிப்பவா்களை பத்திரமாக மீட்பதற்குத் தேவையான அனைத்து ஏற்பாடுகளும் செய்யப்பட்டுள்ளன.

    சாா்தாம் புனித யாத்திரை மேற்கொண்டிருப்பவா்கள், மழை நிற்கும் வரை தற்போது இருக்கும் இடத்திலேயே தங்க வேண்டும். புனித யாத்திரை வழியில் தவிக்கும் பக்தா்களுக்கு சாமோலி, ருத்ரபிரயாகை மாவட்ட ஆட்சியா்கள் சிறப்புக் கவனம் செலுத்தி உதவ வேண்டும்.

    பிரதமா் நரேந்திர மோடி என்னுடன் தொலைபேசியில் தொடா்புகொண்டு பாதிப்பு நிலவரம் குறித்து விசாரித்தாா். மீட்புப் பணிகளுக்குத் தேவையான அனைத்து உதவிகளையும் வழங்குவதாக அவா் உறுதியளித்தாா்.

    நைனிடால் நகரில் மால் சாலை, நைனி ஏரிக்கரையில் அமைந்துள்ள நைனா தேவி கோயில் ஆகியவை வெள்ளத்தால் சூழ்ந்துள்ளன. அங்குள்ள விடுதி, மழையின் காரணமாக சேதமடைந்துள்ளது. நைனிடால் நகரில் தவிக்கும் சுற்றுலாப் பயணிகளுக்கு உதவுவதற்கு மாவட்ட நிா்வாகம் முயற்சி செய்து வருகிறது என்றாா் அவா்.

    உயிரிழந்தவா்களின் குடும்பத்துக்கு தலா ரூ.4 லட்சம் இழப்பீடு வழங்கப்படும் எனவும் முதல்வா் அறிவித்துள்ளாா்.

    டிஜிபி அசோக் குமாா் கூறுகையில், ‘மழையால் குமாவ்ன் பிராந்தியம் கடுமையாகப் பாதிக்கப்பட்டுள்ளது. கத்கோடம், நைனிடால், உத்தம்சிங் நகா் ஆகிய பகுதிகளில் சலைகள், ரயில் பாதைகள் சேதமடைந்துள்ளன’ என்றாா்.

    நைனிடால் நகரைச் சுற்றிலும் நிலச்சரிவு ஏற்பட்டதால் அந்த நகரம் துண்டிக்கப்பட்டது. பல மணி நேரப் போராட்டத்துக்குப் பின்னா் நிலச்சரிவு ஏற்பட்ட இடங்களில் சீரமைப்புப் பணி மேற்கொள்ளப்பட்டு நைனிடாலுக்கு மீண்டும் இணைப்பு ஏற்படுத்தப்பட்டது.

    கோசி ஆற்றில் இருந்து வெள்ளநீா் வெளியேறியதால், ராம்நகா்-ராணிகேட் சாலையில் வெள்ளம் கரைபுரண்டு ஓடியது. அந்தச் சாலையில் இருந்த ஓய்வு விடுதிக்குள்ளும் தண்ணீா் புகுந்தது. அந்த விடுதியில் 100-க்கும் மேற்பட்டோா் சிக்கிக் கொண்டனா்.

    மாநிலத்தில் வெள்ளத்தால் பாதிக்கப்பட்ட பகுதிகளிலிருந்து 300 பேரை தேசிய பேரிடா் மீட்புப் படையினா் மீட்டனா்.

    இதனிடையே, குஜராத் முதல்வா் பூபேந்திர படேல், புஷ்கா் சிங் தாமியை தொலைபேசியில் தொடா்புகொண்டு பேசினாா். அப்போது, சாா்தாம் யாத்திரை சென்றுள்ள குஜராத் மாநிலத்தைச் சோ்ந்த 100-க்கும் மேற்பட்டோா் பாதுகாப்புடன் திரும்பி வர உதவ வேண்டும் என்று அவரிடம் வலியுறுத்தினாா்.

    ஆறுகளில் வெள்ளப்பெருக்கு: மாநிலத்தின் பெரும்பாலான ஆறுகளில் நீா்மட்டம் அபாய அளவை நெருங்கியுள்ளது. ஹரித்வாரில் கங்கை நதியில் அபாய அளவுக்கு (294 மீ) சற்று குறைவாக 293.90 மீட்டராக நீா்மட்டம் உள்ளது. காளி, சரயு நதிகளில் நீா்மட்டம் முறையே 890 மீ., 453 மீட்டராக உள்ளது. கோரி ஆற்றில் நீா்மட்டம் அபாய அளவை நெருங்கியுள்ளது.

    Image Caption

    உத்தரகண்ட் மாநிலம் ஜிம் காா்பட் தேசிய பூங்கா அருகேயுள்ள தங்கும் விடுதி வளாகத்தில் வெள்ள நீரில் மூழ்கிய காா்கள்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp