உத்தரகண்டில் நாட்டின் முதல் பிரதமரான ஜவாஹா்லால் நேரு குடும்பம் தொடா்பாக சா்ச்சைக்குரிய வகையில் பேசிய பாஜக தேசிய பொதுச் செயலாளா் துஷ்யந்த் குமாா் கௌதமின் உருவ பொம்மையை எரித்து காங்கிரஸ் கட்சியினா் ஆா்ப்பாட்டம் நடத்தினா்.
முன்னதாக, ஞாயிற்றுக்கிழமை டேராடூனில் நடைபெற்ற பாஜக மகளிரணி கூட்டத்தில் பேசிய துஷ்யந்த் குமாா், ‘இந்திரா காந்தி, ராஜீவ் காந்தி, பிரியங்கா ஆகியோா் ஹிந்து மதத்தைச் சோ்ந்தவா்களை திருமணம் செய்து கொள்ளவில்லை. ஆனால், தாங்கள் ஹிந்துக்கள் என்று பொதுவெளியில் பேசி வருகின்றனா். மேலும், பூணூல் அணியும் பிராமணா் என்று ராகுல் கூறிக் கொள்கிறாா்’ என்றாா்.
அண்மையில் ஜம்மு-காஷ்மீருக்கு பயணம் மேற்கொண்ட காங்கிரஸ் எம்.பி. ராகுல் காந்தியை அங்குள்ள பண்டிட் சமூக இளைஞா்கள் சந்தித்துப் பேசினா். அப்போது, ராகுல் தன்னையும் அவா்களில் ஒருவராக அடையாளப்படுத்திக் கொண்டாா். மேலும், ஹிந்து கோயில்களுக்குச் சென்று பூஜைகள், யாகங்களில் பங்கேற்பதையும் ராகுல் வழக்கமாகக் கொண்டுள்ளாா். இதை துஷ்யந்த் குமாா் இவ்வாறு மறைமுகமாக விமா்சித்துள்ளாா்.
அவரது இந்தப் பேச்சுக்கு காங்கிரஸ் கட்சியினா் கடும் எதிா்ப்பு தெரிவித்தனா். துஷ்யந்த் குமாரை கண்டித்து உத்தரகண்டில் காங்கிரஸ் தொண்டா்கள் போராட்டத்தில் ஈடுபட்டு, அவரது உருவ பொம்மையை எரித்தனா். துஷ்யந்த் குமாா் மீது காவல் துறையிலும் புகாா் அளிக்கப்பட்டுள்ளது.
இது தொடா்பாக உத்தரகண்ட் மாநில காங்கிரஸ் தலைவா் கணேஷ் கட்டியால் கூறுகையில், ‘மக்களிடையே பிளவை ஏற்படுத்த வேண்டும் என்பதே பாஜகவின் நோக்கமாக உள்ளது. அதற்காக அவா்கள் எந்த எல்லைக்கும் செல்வாா்கள். காங்கிரஸ் தலைவா்கள் பற்றிய பாஜக தலைவரின் கருத்து அவா்களின் பிற்போக்குத்தனத்தையே காட்டுகிறது. இதுபோன்று அவா்கள் பேசுவதை நாங்கள் பொறுத்துக் கொள்ள மாட்டோம்’ என்றாா்.