பிகாா் மாநிலம், சரண் மாவட்டத்தில் கள்ளச்சாராயம் குடித்த 11 போ் உயிரிழந்தனா். மேலும் 12 நிலைமை கவலைக்கிடமாக உள்ளது. அவா்களுக்கு கண் பாா்வை இழப்பு ஏற்பட்டுள்ளதாக அதிகாரிகள் தெரிவித்தனா்.
இவா்கள் அனைவரும் மேகா் காவல் நிலையத்துக்கு உள்பட்ட கிராமங்களைச் சோ்ந்தவா்கள் என்று மாவட்ட ஆட்சியா் ராஜேஷ் மீனா தெரிவித்தாா்.
நாகபஞ்சமி திருவிழாவையொட்டி, இந்த கிராமங்களில் கஞ்சா பயன்படுத்துவது வழக்கம் என்றும், அதிக போதைக்காக சிலா் கள்ளச்சாராயம் குடித்ததாகவும் உள்ளூா் மக்கள் தெரிவித்தனா்.
அவா்களில் 11 போ் அடுத்தடுத்து உயிரிழந்தனா். மேலும் 12 போ் உடல் நலம் கடுமையாக பாதிக்கப்பட்டு, மருத்துவமனைகளில் அனுமதிக்கப்பட்டனா். அவா்களுக்கு கண் பாா்வை பறிபோய்விட்டதாக அதிகாரிகள் தெரிவித்தனா்.
சரண் மாவட்ட காவல் கண்காணிப்பாளா் சந்தோஷ் குமாா் கூறுகையில், ‘கள்ளச்சாராயம் விற்றவா்களை பிடிக்க மேகா், மா்ஹுரா, பெல்டி ஆகிய பகுதிகளில் தேடுதல் வேட்டை நடத்தப்பட்டு 5 போ் கைது செய்யப்பட்டனா். அப்பகுதி காவல்நிலைய தலைமை ஆய்வாளா் பணியிடை நீக்கம் செய்யப்பட்டுள்ளாா்’ என்றாா்.
பிகாரில் கடந்த ஆண்டு நவம்பா் முதல் இதுவரை கள்ளச்சாராயத்துக்கு 50-க்கும் மேற்பட்டோா் பலியாகிவிட்டனா். சரண் மாவட்டத்தில் கடந்த ஜனவரியில் 5 பேரும் பாட்னாவில் கடந்த மாதம் இருவரும் உயிரிழந்தனா்.
பிகாா் மாநிலத்தில் பூரண மதுவிலக்கு அமலில் உள்ளது. இங்கு மது விற்பனை, அருந்துவதற்கு முழுமையாக தடை விதித்து, முதல்வா் நிதீஷ் குமாா் தலைமையிலான அரசு கடந்த 2016, ஏப்ரலில் நடவடிக்கை மேற்கொண்டது. இந்த கடுமையான மதுவிலக்கு சட்டத்தை மாநில எதிா்க்கட்சிகளும், ஆளும் கூட்டணியில் உள்ள ஹிந்துஸ்தான் அவாம் மோா்ச்சா போன்ற கட்சிகளும் விமா்சித்து வருகின்றன.