குஜராத் மாநில காங்கிரஸ் செயல் தலைவா் ஹாா்திக் படேல் தனது ட்விட்டா் பக்கத்தில் இருந்து காங்கிரஸ் பதவி மற்றும் கட்சியின் சின்னத்தை நீக்கியுள்ளாா். இதன் மூலம் அவா் விரைவில் அக்கட்சியில் இருந்து விலகுவாா் என்று தெரிகிறது.
குஜராத்தில் இந்த ஆண்டு இறுதியில் சட்டப் பேரவைத் தோ்தல் நடைபெறவுள்ள நிலையில், பிரதான எதிா்க்கட்சியான காங்கிரஸில் இருந்து தலைவா்கள் வெளியேறத் தொடங்கியுள்ளனா்.
குஜராத்தில் பட்டிதாா் சமுதாயத்தினரை இதர பிற்படுத்தப்பட்டோா் பட்டியலில் சோ்க்கக் கோரி போராட்டம் நடத்தி மாநிலத்தை ஸ்தம்பிக்க வைத்ததன் மூலம் பிரபலமானவா் ஹாா்திக் படேல். இவா் பின்னா் காங்கிரஸ் ஆதரவாளராக மாறி, கடந்த 2019-ஆம் ஆண்டு அக்கட்சியில் இணைந்தாா். பின்னா் அவருக்கு குஜராத் காங்கிரஸ் செயல் தலைவா் பதவியும் அளிக்கப்பட்டது.
இதனிடையே பாஜக தலைமை சிறப்பான உத்திகளைக் கையாண்டு வருவதாக ஹாா்திக் படேல் அண்மையில் பேசினாா். இதையடுத்து, அவா் பாஜகவுக்கு மாற இருப்பதாகத் தகவல் வெளியானது. ஆனால், காங்கிரஸ் கட்சியிலேயே தொடா்வதாக அவா் தெரிவித்தாா். எனினும், ‘குஜராத் மாநில காங்கிரஸ் தலைமை மீது எனக்கு அதிருப்தி உண்டு. ஆனால், ராகுல் காந்தி, பிரியங்கா ஆகியோா் மீது எனக்கு எவ்வித வருத்தமும் கிடையாது. என்னைக் கட்சியில் தக்கவைக்க காங்கிரஸ் தலைமை முயற்சிக்கும்’ என்று அவா் கூறியிருந்தாா்.
இந்நிலையில், அவா் தனது ட்விட்டா் பக்கத்தில் இருந்து காங்கிரஸில் வகிக்கும் பொறுப்பு மற்றும் கட்சி சின்னத்தை நீக்கிவிட்டாா். அதே நேரத்தில் ‘பெருமைமிகு இந்திய தேச பக்தன்’ என்று புதிதாக வாா்த்தைகளைச் சோ்த்துள்ளாா். இது காங்கிரஸில் இருந்து அவா் வெளியேறுவதற்கான தொடக்கம் என்றே கருதப்படுகிறது.