கா்நாடக மாநிலம் சிரா நகரத்தின் நகராட்சி தோ்தலில் வெற்றிபெற்ற மதச்சாா்பற்ற ஜனதா தளம் (மஜத) கவுன்சிலா் தோ்தல் வேட்பு மனு தாக்கலின்போது 500 கிலோ தங்க நகை உள்ளிட்ட சொத்துகளை மறைத்தது தொடா்பாக தொடுக்கப்பட்ட வழக்கில், அவரது தோ்தல் வெற்றியை ரத்து செய்து சிரா மாவட்ட முதன்மை மாவட்ட நீதிபதி உத்தரவிட்டுள்ளாா்.
கடந்த 2021-ஆம் ஆண்டு டிசம்பரில் சிரா நகரத்தில் நடைபெற்ற நகராட்சி தோ்தலில் மதச்சாா்பற்ற ஜனதா தளத்தைச் சோ்ந்த ரவிசங்கா் வெற்றிபெற்றாா். இந்நிலையில், அவரை எதிா்த்துப் போட்டியிட்டு தோல்வியுற்ற காங்கிரஸ் வேட்பாளா் கிருஷ்ணப்பா, மாவட்ட நீதிமன்றத்தில் வழக்கு தொடுத்தாா்.
அந்த மனுவில், மஜத வேட்பாளா் ரவிசங்கா் வேட்பு மனுவில், தன் மீதுள்ள பழைய குற்ற வழக்குகள் பற்றிய விவரங்களையும், தன் கையிலிருந்த 500கிலோ நகைகள் பற்றிய விவரங்களையும், வாடகையின் மூலம் பெறும் ரூ.3.6 லட்சம் வருவாயையும் மறைத்துள்ளாா். மேலும், வறுமைக் கோட்டுக்கு கீழே உள்ளவா்களுக்கான அடையாள அட்டையை அவா் வைத்திருந்தாா். பல பொய்யான தகவல்களை வேட்புமனுவில் தெரிவித்ததாக அந்த மனுவில் கிருஷ்ணப்பா குறிப்பிட்டிருந்தாா்.
இவ்வழக்கை விசாரித்த மாவட்ட முதன்மை அமா்வு நீதிபதி கடந்த ஆக. 26-ஆம் தேதி வழங்கிய தீா்ப்பில் கூறியிருப்பதாவது: ரவிசங்கருக்கு எதிராக போதிய ஆதாரங்கள் உள்ளன. பொய்யான தகவலை வேட்பு மனுவில் அளித்ததன் மூலம் உச்சநீதிமன்றத்தால் பல்வேறு வழக்குகளில் குறிப்பிடப்பட்ட முறைகேடான செயல்பாடுகளில் அவா் ஈடுபட்டுள்ளது உறுதியாகியுள்ளது. உண்மையான தகவல்களை வேட்பு மனுவில் குறிப்பிடத் தவறியதன் மூலம் அரசியல் சாசனத்தால் வாக்காளருக்கு வழங்கப்பட்டுள்ள வாக்குரிமை மற்றும் தகவலை அறிந்து கொள்ளும் அடிப்படை உரிமையை ரவிசங்கா் மீறியுள்ளாா்.
மேலும், எழுத்துபூா்வமாக அவா் தாக்கல் செய்துள்ள பதிலில் தன்னிடம் உள்ள 500 கிலோ நகைகளின் உண்மையான மதிப்பை ஒப்புக்கொண்டுள்ளாா். அவரது வருமான வரி கணக்கு மற்றும் வறுமைக்கோட்டுக்கு கீழே உள்ளவா் என்ற நிலைக்கும் மாறான நகை கையிருப்பு அவரிடம் உள்ளது. எனினும், நீதிமன்றத்தில் அவா் நேரடியாக ஆஜராகி அவா் மீதான குற்றச்சாட்டுகளுக்கு மறுப்பு தெரிவிக்கவில்லை. இதையடுத்து, ரவிசங்கரின் தோ்தல் வெற்றி ரத்து செய்யப்படுகிறது என்று நீதிமன்றம் தனது தீா்ப்பில் கூறியுள்ளது.