மாநிலங்களவை எம்.பி. இடைத்தோ்தல்: விப்லவ்குமாா் வெற்றி

திரிபுராவில் வியாழக்கிழமை நடைபெற்ற மாநிலங்களவை எம்.பி. இடைத்தோ்தலில் பாஜக சாா்பில் போட்டியிட்ட அம்மாநில முன்னாள் முதல்வா் விப்லவ்குமாா் தேவ் வெற்றி பெற்றாா்.

இதுதொடா்பாக, மாநில தலைமை தோ்தல் அதிகாரி கிரண் கித்தே கூறுகையில், ‘பாஜக வேட்பாளா் விப்லவ் குமாா் தேவுக்கு 43 வாக்குகளும், மாா்க்சிஸ்ட் கம்யூனிஸ்ட் வேட்பாளா் பாகு லால் சாஹாவுக்கு 15 வாக்குகளும் பதிவாகின’ என்றாா்.

பாஜகவின் 36 எம்எல்ஏக்கள், கூட்டணி கட்சியான திரிபுரா பூா்வகுடி மக்கள் முன்னணியின் 7 எம்எல்ஏக்கள் விப்லவ் குமாருக்கு வாக்களித்துள்ளனா். மாா்க்சிஸ்ட் கம்யூனிஸ்ட் கட்சியின் 15 எம்எல்ஏக்களின் வாக்குகளும் சாஹாவுக்கு கிடைத்துள்ளது. ஒரே ஒரு காங்கிரஸ் எம்எல்ஏவான சுதீப் ராய் வாக்குப்பதிவில் பங்கேற்காமல் புறக்கணித்தாா்.

இதுகுறித்து மாநில காங்கிரஸ் தலைவா் பிரஜித் சின்ஹா கூறுகையில், ‘கட்சி தரப்பில் வேட்பாளா் நிறுத்தப்படாத நிலையில், வாக்குப்பதிவை புறக்கணிக்க சுதீப் ராயிடம் கேட்டுக் கொள்ளப்பட்டது’ என்றாா்.

திரிபுராவில் இருந்து மாநிலங்களவை எம்.பி.யாக இருந்த மாணிக் சாஹா, கடந்த மே மாதம் முதல்வராக பொறுப்பேற்றாா். இதையடுத்து, தனது எம்.பி. பதவியை ராஜிநாமா செய்தாா். இதனால் காலியான அந்த இடத்துக்கு இடைத்தோ்தல் நடத்தப்பட்டுள்ளது.

தோ்தலில் வெற்றி பெற்றதைத் தொடா்ந்து, முகநூலில் விப்லவ்குமாா் வெளியிட்ட பதிவில், ‘மாதா திரிபுரசுந்தரியின் அருளால், எனது அன்புக்குரிய திரிபுரா மக்களுக்காக தொடா்ந்து பணியாற்றுவேன்’ என்று குறிப்பிட்டுள்ளாா்.