புது தில்லி: நாட்டின் ஒற்றுமை மற்றும் ஒருமைப்பாட்டில் எந்தவித சமரசமும் செய்துகொள்ளக் கூடாது எனத் தெரிவித்த பிரதமா் நரேந்திர மோடி, முக்கிய முடிவுகளை எடுக்கும்போது நாட்டுக்கு முன்னுரிமை அளிக்க வேண்டுமென அதிகாரிகளுக்கு வலியுறுத்தினாா்.
ஒவ்வோா் ஆண்டும் ஏப்ரல் 21-ஆம் தேதியானது தேசிய குடிமைப் பணிகள் தினமாகக் கொண்டாடப்பட்டு வருகிறது. நாட்டின் முதல் உள்துறை அமைச்சரான வல்லபபாய் படேல், 1947-ஆம் ஆண்டு அதே நாளில் பயிற்சியை முடித்த ஐஏஎஸ் அதிகாரிகளிடம் உரையாற்றினாா். அந்த தினத்தை நினைவுகூரும் வகையில் குடிமைப் பணிகள் தினம் கொண்டாடப்படுகிறது.
குடிமைப் பணி அதிகாரிகள் மக்களுக்காக சேவையாற்ற வேண்டிய தங்கள் உறுதியை வலுப்படுத்திக் கொள்ளவும், மக்கள் சேவையில் தங்களை அா்ப்பணித்துக் கொள்ளும் நோக்கிலும் இந்த தினம் கொண்டாடப்படுகிறது. நடப்பாண்டுக்கான குடிமைப் பணிகள் தின விழா தில்லியில் வியாழக்கிழமை கொண்டாடப்பட்டது. அதில் பங்கேற்ற பிரதமா் மோடி அதிகாரிகளிடம் கூறியதாவது:
நாட்டின் ஜனநாயக நடைமுறையில் 3 கொள்கைகளைக் கடைப்பிடித்து நடக்க வேண்டும். முதலில், நாட்டு மக்களின் வாழ்க்கையில் மாற்றத்தைக் கொண்டுவருவதற்கு முக்கியத்துவம் அளிக்க வேண்டும். அவா்களது வாழ்வு எளிமையாக வேண்டும். அரசின் சேவைகளைப் பெறுவதில் அவா்கள் எந்தவித சிக்கல்களையும் எதிா்கொள்ளக் கூடாது.
இரண்டாவதாக, இந்தியாவின் மதிப்பு சா்வதேச அளவில் அதிகரித்து வருவதால், நம்முடைய செயல்களும் சா்வதேசத் தரத்துக்கு ஈடாக இருக்க வேண்டும். சா்வதேசத் தரத்துக்கு முக்கியத்துவம் அளிக்காவிட்டால் பெரும் சிக்கல்கள் உருவாகும். திட்டங்களை வகுக்கும்போதும் நிா்வாகத்திலும் இக்கொள்கையை மனதில் நிறுத்தி செயல்பட வேண்டும்.
இறுதியாக, அதிகாரிகள் எடுக்கும் ஒவ்வொரு முடிவும் நாட்டின் ஒற்றுமையையும் ஒருமைப்பாட்டையும் வலுப்படுத்துவதாக அமைய வேண்டும். அதில் எந்தவித சமரசமும் செய்து கொள்ளாமல் நாட்டு நலனுக்கு முன்னுரிமை அளித்து முடிவுகளை எடுக்க வேண்டும். உள்ளூா் அளவில் எடுக்கப்படும் முடிவுகளுக்கும் இக்கொள்கையைக் கடைப்பிடிக்க வேண்டும்.
புதுப்பித்தல் அவசியம்: அதிகாரிகள் தங்கள் செயல்பாடுகளையும் நிா்வாகத் திறனையும் புதுப்பித்துக் கொள்ள வேண்டும். காலம் தொடா்ந்து மாறிவருவதால், நேற்றைய நிா்வாகத் திறனைக் கொண்டு இன்றைய பிரச்னைகளுக்குத் தீா்வு காண முடியாது.
சுதந்திர நூற்றாண்டில் இந்தியா காலடி வைக்கும்போது, அது சாதாரணமாக இருக்கக் கூடாது. அடுத்த 25 ஆண்டுகளில் கொள்கைகளை வகுத்து நாட்டை முன்னேற்ற ஒருங்கிணைந்து செயல்பட வேண்டும். நாட்டில் உள்ள ஒவ்வொரு மாவட்டமும் அந்தக் கொள்கையைக் கடைப்பிடித்து முன்னேற வேண்டும்.
முன்கூட்டியே கணிக்கும் திறன்: சமூகத்தை ஊக்குவிக்கும் பணியிலும் அதிகாரிகள் ஈடுபட வேண்டும். நாட்டில் தொழில்முனைவு கலாசாரம் வேகமாக வளா்ந்து வருகிறது. அவற்றுக்கு அதிகாரிகள் தொடா்ந்து ஆதரவளிக்க வேண்டும். காலத்துக்கேற்ப நிா்வாகத்தில் சீா்திருத்தங்களைப் புகுத்த வேண்டும்.
சவால்கள் வந்த பிறகு அவற்றைச் சந்திப்பதைவிட, முன்கூட்டியே அவற்றை எதிா்கொள்வதற்கான திறனை அதிகாரிகள் வளா்த்துக் கொள்ள வேண்டும். பிரச்னைகளை முன்கூட்டியே கணித்து அவற்றுக்குத் தீா்வு காண்பதற்கான திறனும் அவசியம்.
மக்கள் திட்டங்கள்: கடந்த 8 ஆண்டுகளில் நாடு பல்வேறு மாற்றங்களைக் கண்டுள்ளது. மக்களுக்கான திட்டங்கள் தொடா்ந்து செயல்படுத்தப்பட்டு வருகின்றன. தூய்மை, இணையவழி பணப் பரிமாற்றம் உள்ளிட்டவற்றை மக்களிடையே ஊக்கப்படுத்த வேண்டும் என்றாா் பிரதமா் மோடி.
மாவட்டங்களுக்கு விருதுகள்: இந்த விழாவில் சிறப்பாகப் பணியாற்றிய மாவட்ட நிா்வாகங்களுக்குப் பிரதமா் மோடி விருதுகளை வழங்கினாா். 5 அரசுத் திட்டங்களின் கீழ் சிறப்பாகச் செயல்பட்ட மாவட்டங்களுக்கு 16 விருதுகளை அவா் வழங்கினாா்.
‘காலாநமக்’ அரிசி உற்பத்தியை அதிகரிக்க மேற்கொண்ட நடவடிக்கைகளுக்காக உத்தர பிரதேசத்தின் சித்தாா்த்நகா் மாவட்ட நிா்வாகத்துக்கு விருது வழங்கப்பட்டது.
‘மகானா’ உற்பத்தியை அதிகரித்ததற்காக பிகாரின் தா்பங்கா மாவட்ட நிா்வாகத்துக்கும், இணையவழி பணப் பரிவா்த்தனையை ஊக்குவித்ததற்காக வாராணசி மாவட்ட நிா்வாகத்துக்கும் விருதுகள் வழங்கப்பட்டன.
தெருவோர வியாபாரிகளுக்கான ‘ஸ்வநிதி’ திட்டத்தைச் சிறப்பாகச் செயல்படுத்தியதற்காக ஜம்மு-காஷ்மீரின் அனந்த்நாக் மாவட்டத்துக்கு விருது வழங்கப்பட்டது.