Enable Javscript for better performance
ஜம்ம-காஷ்மீருக்கு மூன்றாண்டுகளில் முதல் பயணம்; மோடி தொடங்கி வைத்த திட்டங்களின் முக்கிய அம்சங்கள்- Dinamani

உடனுக்கு உடன் செய்திகள்

    ஜம்மு-காஷ்மீருக்கு மூன்றாண்டுகளில் முதல் பயணம்; மோடி தொடங்கி வைத்த திட்டங்களின் முக்கிய அம்சங்கள்

    By DIN  |   Published On : 24th April 2022 02:45 PM  |   Last Updated : 24th April 2022 02:54 PM  |  அ+அ அ-  |  

    pm_modi

    கோப்புப்படம்

    ஜம்மு-காஷ்மீரில் பனிஹல் - காசிகுண்ட் சுரங்கப் பாதை, இரண்டு நீர் மின்சார திட்டங்கள் என மொத்தமாக 20,000 கோடி ரூபாய் மதிப்புள்ள வளர்ச்சி பணிகளுக்கு பிரதமர் மோடி இன்று அடிக்கல் நாட்டினார். யூனியன் பிரதேசமாக அறிவிக்கப்பட்ட பிறகு பிரதமர் மோடி மேற்கொண்ட முதல் அதிகாரப்பூர்வ பயணம் இதுவாகும்.

    ஜம்முவில் உள்ள பள்ளி கிராமத்தில் தேசிய பஞ்சாயத்து ராஜ் தினத்தை முன்னிட்டு நாடு முழுவதும் உள்ள கிராம சபைகளுக்கு உரையாற்றிய அவர், "இந்த பகுதி ஒன்றும் எனக்கு புதிதல்ல. நானும் உங்களுக்கு புதிதல்ல. கடந்த இரண்டு மூன்றாண்டுகளில் ஜம்மு-காஷ்மீர் பல மைல்கற்களை எட்டியுள்ளது. மத்திய அரசின் திட்டங்களை முந்தைய அரசு நிறைவேற்றவில்லை. நாங்கள் அதை சாத்தியப்படுத்தி இருக்கிறோம்" என்றார்.

    தேசிய மாநாட்டு கட்சி, மக்கள் ஜனநாயக கட்சியை விமரிசித்து பேசிய அவர், "கடந்த 60 ஆண்டுகளில், இந்த பகுதிக்கு என 17,000 கோடி ரூபாய் மட்டுமே செலவிடப்பட்டுள்ளது. ஆனால், கடந்த இரண்டு ஆண்டுகளில், நாங்கள் 38,000 கோடி ரூபாயை செலவழித்திருக்கிறோம்" என்றார்.

    இதையும் படிக்கபியூச்சர் குழுமத்துடனான ஒப்பந்தம் ரத்து: ரிலையன்ஸ் அறிவிப்பு

    இந்த பொதுக்கூட்டத்தில் ஆயிரக்கணக்கான மக்கள் கலந்து கொண்டனர். அரசியலமைப்பின் கீழ் வழங்குப்பட்டு வந்த சிறப்பு அந்தஸ்து மத்திய அரசால் நீக்கப்பட்டு ஜம்மு-காஷ்மீர் இரண்டு யூனியன் பிரதேசங்களாக பிரிக்கப்பட்டது. இதையடுத்து, பிரதமர் மோடி மேற்கொள்ளும் முதல் பயணம் என்பதால் அங்கு பாதுகாப்பு பலப்படுத்தப்பட்டிருந்தது. 

    5,300 கோடி ரூபாய் மதிப்பில் கிஷ்த்வாரில் உள்ள செனாப் ஆற்றில் 850 மெகாவாட் திறன் கொண்ட நீர் மின்சார திட்டத்திற்கும் அதே ஆற்றில் குவார் பகுதியில் 540 மெகா வாட் திறன் கொண்ட மின்சார திட்டத்திற்கும் மோடி அடிக்கல் நாட்டினார்.

    ரூ. 3,100 கோடி மதிப்பில் ஜம்மு - காஷ்மீா் பிராந்தியங்களுக்கு இடையேயான பயண நேரத்தை வெகுவாக குறைக்கும் வகையில் அமைக்கப்பட்டுள்ள 16 கி.மீ. தொலைவு பனிஹல் - காசிகுண்ட் சுரங்கப் பாதையையும் மோடி திறந்து வைத்தார். 

    புதிதாக அறிவிக்கப்பட்டுள்ள ஜம்மு-காஷ்மீர் யூனியன் பிரதேசத்திற்கு முதல்முறையாக சட்டப்பேரவை தேர்தல் நடத்தப்படவுள்ளது. இதன் காரணமாக, தொகுதி மறுசீரமைப்பு பணிகள் அங்கு நடைபெற்றுவருகிறது. 

    கடந்த 2018ஆம் ஆண்டு முதல், ஜம்மு-காஷ்மிர் குடியரசு தலைவர் ஆட்சியின் கீழ் இருந்துவருகிறது. முன்னதாக, மெஹபூபா முஃப்தியின் மக்கள் ஜனநாயக கட்சி பாஜகவுடன் கூட்டணி அமைத்து ஆட்சி நடத்திவந்தது.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp