Enable Javscript for better performance
ஆட்சி அமைக்க உரிமை கோரல்: ஆளுநருடன் நிதீஷ், தேஜஸ்வி சந்திப்பு- Dinamani

உடனுக்கு உடன் செய்திகள்

    ஆட்சி அமைக்க உரிமை கோரல்: ஆளுநருடன் நிதீஷ், தேஜஸ்வி சந்திப்பு

    By DIN  |   Published On : 09th August 2022 05:39 PM  |   Last Updated : 09th August 2022 05:58 PM  |  அ+அ அ-  |  

    Claiming right to form government Nitish Tejaswi meet with Governor


    பிகார் மாநிலத்தில் மீண்டும் முதல்வராக ஆட்சி அமைப்பது தொடர்பாக ஆளுநர் பகு சௌஹானை நிதீஷ் குமார் மற்றும் தேஜஸ்வி யாதவ் கூட்டாக சென்று உரிமை கோரினர்.

    ஐக்கிய ஜனதா தளம் - ராஷ்ட்ரீய ஜனதா தளம் கூட்டணி பேச்சுவார்த்தைக்குப் பிறகு எம்.எல்.ஏ.க்களின் ஆதரவு கடிதத்துடன் இருவரும் ஆளுநரை சந்தித்தனர். கூட்டணி அமைத்ததன் மூலம் 160 எம்.எல்.ஏ.க்கள் நிதீஷ் குமார் ஆட்சி அமைக்க ஆதரவு தெரிவித்துள்ளதாக கூறப்படுகிறது.

    இதையும் படிக்க | பிகார் முதல்வர் நிதீஷ் குமார் ராஜிநாமா!

    ஆளுநர் ஒப்புதல் அளிப்பதைத் தொடர்ந்து, பிகார் மாநிலத்தின் முதல்வராக நிதீஷ் குமார் மீண்டும் தேர்வு செய்யப்படலாம் எனத் தெரிகிறது. அவ்வாறு ஆளுநர் இன்று ஒப்புதல் அளித்தால், மாநில முதல்வராக நிதீஷ் குமார் நாளை பதவியேற்பார் எனவும் தகவல்கள் வெளியாகியுள்ளன. 

    பிகார் மாநிலத்தில் கடந்த சில நாள்களாகவே அரசியல் மாற்றங்கள் நிகழ்ந்து வந்த நிலையில், கருத்து மோதல் காரணமாக பிகார் முதல்வரும் ஐக்கிய ஜனதா தளத் தலைவருமான நிதீஷ் குமார், பாஜக கூட்டணியில் இருந்து விலக முடிவெடுத்தார்.

    இதையும் படிக்க | பாஜக கூட்டணி பலவீனமாக்கிவிடும்: நிதீஷை முன்பே எச்சரித்த எம்.எல்.ஏ.க்கள்

    கட்சி உறுப்பினர்களின் ஆலோசனைக்குப் பிறகு, பிகார் ஆளுநர் பகு சௌஹானை இன்று மாலை ராஜ் பவனில் சந்தித்து தனது ராஜிநாமா கடிதத்தை வழங்கினார். 

    அதனைத் தொடர்ந்து மாநிலத்தின் எதிர்க்கட்சியான ராஷ்ட்ரீய ஜனதா தள கட்சியின் தலைவர் தேஜஸ்வி யாதவை அவரது இல்லத்தில் சென்று நிதீஷ் குமார் சந்தித்தார். 

    படிக்ககூட்டணிக் கட்சி தலைவராக நிதீஷ் தேர்வு: மீண்டும் முதல்வராகிறார்?

    இருவரும் பிகாரில் ஆட்சி அமைப்பது குறித்து ஆலோசனை நடத்தப்பட்டது. இந்த ஆலோசனையின் முடிவில் கூட்டணி கட்சியின் தலைவராக நிதீஷ் குமார் தேர்வு செய்யப்பட்டார்.

    நிதீஷ் குமாருக்கு பெருகும் ஆதரவு

    2015ஆம் ஆண்டு மெகா கூட்டணி சார்பில் முதல்வரான நிதீஷ் குமார், 2017ஆம் ஆண்டு பாஜக கூட்டணிக்கு மாறினார். தற்போது கருத்து மோதல் காரணமாக கூட்டணியிலிருந்து விலகியுள்ளார். 

    243 உறுப்பினர்களைக் கொண்ட பிகார் சட்டப்பேரவையில், 79 உறுப்பினர்களுடன் தனிப்பெரும் கட்சியாக ராஷ்ட்ரீய ஜனதா தளம் உள்ளது. 

    ஐக்கிய ஜனதா தளத்துக்கு 45, காங்கிரஸ் கட்சிக்கு 19 எம்.எல்.ஏ.க்கள் இருப்பதாலும், இடதுசாரியும் ஆதரவு தெரிவித்துள்ளதாலும், 160 உறுப்பினர்களுடன் கூட்டணி பெரும்பான்மை பலத்துடன் உள்ளது. 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp