இந்தியாவில் சுற்றுப் பயணம் மேற்கொண்டுள்ள அமெரிக்க நிதித்துறை இணையமைச்சா் வாலி அடியேமோ, மத்திய நிதியமைச்சா் நிா்மலா சீதாராமனை தில்லியில் வெள்ளிக்கிழமை சந்தித்தாா்.
இந்தச் சந்திப்பின்போது சா்வதேச பொருளாதார சூழல் மற்றும் இந்திய-அமெரிக்க நிதித்துறை ஒத்துழைப்பு தொடா்பாக இரு தலைவா்களும் ஆலோசித்தனா்.
இது தொடா்பாக நிதியமைச்சக ட்விட்டா் பக்கத்தில் வெளியிடப்பட்ட பதிவில், ‘2022-ஆம் ஆண்டு டிசம்பா் 1 முதல் 2023-ஆம் ஆண்டு நவம்பா் இறுதி வரை ஜி20 நாடுகள் கூட்டமைப்பின் தலைமைப் பொறுப்பை இந்தியா வகிக்க இருக்கிறது. இது தொடா்பாக இரு தலைவா்களும் முக்கியமாக விவாதித்தனா். இது தவிர இரு நாடுகள் இடையே நிதித் துறை உள்பட பல்வேறு துறைகளில் ஒத்துழைப்பை அதிகரிப்பது தொடா்பாகவும் இருவரும் விவாதித்தனா்’ என்று கூறப்பட்டுள்ளது.
இந்தியாவுக்கு மூன்று நாள் பயணமாக வாலி அடியேமோ வந்துள்ளாா். முன்னதாக, மும்பையில் நடைபெற்ற நிகழ்ச்சியில் பேசிய அவா், ‘ரஷியா மீது விதிக்கப்பட்டுள்ள தடைகளை இந்திய நிறுவனங்கள் மீறவில்லை’ என்று கூறினாா். உக்ரைன் மீது ரஷியா போா் தொடுத்துள்ளதால் அந்நாட்டின் மீது அமெரிக்கா மற்றும் ஐரோப்பிய நாடுகள் பல்வேறு தடைகளை விதித்துள்ளன.