உத்தரப் பிரதேச தேர்தலில் போட்டியிடும் வேட்பாளர்களை ஆதரித்து பிரசாரம் செய்யவுள்ள நட்சத்திரப் பேச்சாளர்கள் பட்டியலை பாரதிய ஜனதா கட்சி புதன்கிழமை வெளியிட்டுள்ளது.
உத்தரப் பிரதேசம், பஞ்சாப், உத்தரகண்ட் உள்ளிட்ட 5 மாநிலங்களுக்கு பிப்ரவரி 10ஆம் தேதி முதல் சட்டப்பேரவைத் தேர்தல் நடைபெறவுள்ளன. இதில், உத்தரப் பிரதேச சட்டப்பேரவைக்கான வாக்குப்பதிவு 7 கட்டங்களாக நடைபெறவுள்ளன.
இந்நிலையில், முதல் கட்ட தேர்தலில் போட்டியிடும் வேட்பாளர்களை ஆதரித்து பிரசாரம் செய்யும் 30 பேர் கொண்ட நட்சத்திரப் பேச்சாளர்கள் பட்டியலை பாஜக வெளியிட்டுள்ளது.
இதில், பிரதமர் நரேந்திர மோடி, பாஜக தலைவர் ஜெ.பி.நட்டா, மூத்த மத்திய அமைச்சர்கள் ராஜ்நாத் சிங், அமித் ஷா, நிதின் கட்கரி, ஸ்மிருதி ராணி, தர்மேந்திர பிரதான், முதல்வர் யோகி ஆதித்யநாத் உள்ளிட்டோரின் பெயர்கள் இடம்பெற்றுள்ளன.
மேலும், இந்த பட்டியலில் வருண் காந்தி, மேனகா காந்தியின் பெயர்கள் இடம்பெறாதது குறிப்பிடத்தக்கது.