நாட்டில் இதுவரை 50 லட்சத்துக்கும் மேற்பட்டவா்களுக்கு கரோனா தடுப்பூசியின் மூன்றாவது தவணை செலுத்தப்பட்டுள்ளது.
இதுதொடா்பாக மத்திய சுகாதார அமைச்சா் மன்சுக் மாண்டவியா ட்விட்டரில் செவ்வாய்க்கிழமை வெளியிட்ட பதிவு:
கரோனா தடுப்பூசி திட்டத்தில் மற்றொரு மைல்கல் எட்டப்பட்டுள்ளது. ஜனவரி 10-ஆம் தேதி முதல் சுகாதாரப் பணியாளா்கள், முன்களப் பணியாளா்கள், பல்வேறு உடல்நல பாதிப்புகள் உள்ள 60 வயதுக்கு மேற்பட்டவா்கள் என இதுவரை 50 லட்சத்துக்கும் அதிகமானவா்களுக்கு தடுப்பூசியின் மூன்றாவது தவணை செலுத்தப்பட்டுள்ளது. தகுதிவாய்ந்தவா்கள் மூன்றாவது தவணையை விரைந்து செலுத்திக் கொள்ளவும் என்று தெரிவித்துள்ளாா்.