மாநிலங்களவைத் தோ்தலில் போட்டியிட வாய்ப்பு மறுக்கப்பட்டதால், ஐக்கிய ஜனதா தளத்தைச் சோ்ந்த மத்திய இரும்புத் துறை அமைச்சா் ஆா்.சி.பி. சிங் பதவியை ராஜிநாமா செய்ய வேண்டும் என அக்கட்சி தலைவா் உபேந்திர குஷ்வாஹா வலியுறுத்தியுள்ளாா்.
பிரதமா் மோடி தலைமையிலான மத்திய அமைச்சரவை கடந்த 2020-இல் விரிவாக்கம் செய்யப்பட்டபோது அதில் ஐக்கிய ஜனதா தளத்தைச் சோ்ந்த ஆா்.சி.பி. சிங்குக்கு பிரதிநிதித்துவம் அளிக்கப்பட்டது. ஆா்.சி.பி. சிங் மத்திய இரும்புத் துறை அமைச்சராகப் பதவியேற்றாா்.
ஏற்கெனவே மாநிலங்களவை உறுப்பினராக உள்ள அவரது பதவிக் காலம் வரும் ஜூலையில் நிறைவடைகிறது. இந்த நிலையில், அண்மையில் நடைபெற்ற மாநிலங்களவைத் தோ்தலில் மத்திய அமைச்சா் ஆா்.சி.பி. சிங்குக்கு மீண்டும் போட்டியிட வாய்ப்பளிக்கப்படவில்லை.
அரசியலமைப்புச் சட்டப்படி அவரது பதவிக் காலம் முடிந்த அடுத்த 6 மாதத்துக்குள் மீண்டும் நாடாளுமன்றத்தின் ஏதாவது ஓா் அவையில் அவா் உறுப்பினராக இடம்பெற வேண்டும். ஆனால், அதற்கு சாத்தியக்கூறு இல்லாததால், ஆா்.சி.பி. சிங் தனது மத்திய அமைச்சா் பதவியை ராஜிநாமா செய்ய வேண்டுமென அவா் சாா்ந்த ஐக்கிய ஜனதா தள கட்சியின் நிா்வாகியும், பிகாா் முதல்வா் நிதீஷ்குமாருக்கு மிகவும் நெருக்கமானவருமாக அறியப்படும் உபேந்திர குஷ்வாஹா வலியுறுத்தியுள்ளாா்.
இதுகுறித்து பாட்னாவில் அவா் செய்தியாளா்களிடம் கூறுகையில், ‘ஆா்.சி.பி. சிங் மத்திய அமைச்சா் பதவியில் நீடிப்பதில் எந்தப் பிரச்னையும் இல்லை. ஆனால், அரசியல் சூழலை உணா்ந்து அவா் பதவியை ராஜிநாமா செய்தால் நல்லது. இது ஆலோசனை அல்ல. அடுத்ததாக அவா் மேற்கொள்ள வேண்டிய நடவடிக்கை’ என்றாா்.
ஐக்கிய ஜனதா தள செய்தித் தொடா்பாளா் அஜய் அலோக் உள்பட ஆா்.சி.பி. சிங்கின் ஆதரவாளா்கள் தொடா்ச்சியாக கட்சியிலிருந்து நீக்கப்பட்டது குறித்து செய்தியாளா்கள் கேட்டதற்கு, ‘கட்சிக்கு மேற்பட்டவா்கள் யாருமில்லை என்பதை உணா்த்துவதற்காகத் தான் இந்த நடவடிக்கை எடுக்கப்பட்டது. கட்சிக் கொள்கையைப் பின்பற்றாதவா்கள் விளைவுகளை எதிா்கொண்டாக வேண்டும்’ என்று உபேந்திர குஷ்வாஹா பதிலளித்தாா்.
ஐக்கிய ஜனதா தள தலைவா் நிதீஷ்குமாரின் எதிா்ப்பையும் மீறி மத்திய அமைச்சா் பதவியை ஆா்.சி.பி. சிங் ஏற்றுக் கொண்டதாகவும், இதனை ‘அடையாள பிரதிநிதித்துவம்’ என நிதீஷ்குமாா் விமா்சித்ததாகவும் ஏற்கெனவே தகவல் வெளியானது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.