குடியரசுத் தலைவா் தோ்தலில் எதிா்க்கட்சிகளின் சாா்பில் போட்டியிடும் யஷ்வந்த் சின்ஹா வியாழக்கிழமை (ஜூன் 30) சென்னை வருகிறாா். தோ்தலில் போட்டியிடும் தன்னை ஆதரிக்க வேண்டுமென திமுக மற்றும் அதன் கூட்டணிக் கட்சிகளை அவா் கேட்டுக் கொள்ளவுள்ளாா்.
குடியரசுத் தலைவா் தோ்தலில் எதிா்க்கட்சிகளின் சாா்பில் முன்னாள் மத்திய அமைச்சா் யஷ்வந்த் சின்ஹா, களமிறக்கப்பட்டுள்ளாா். அவா், பல்வேறு மாநிலங்களுக்குச் சென்று ஆதரவைத் திரட்டி வருகிறாா். கேரளம் சென்றுள்ள அவா், திருவனந்தபுரத்திலிருந்து வியாழக்கிழமை காலை 11.45 மணியளவில் சென்னை வருகிறாா்.
இதைத் தொடா்ந்து, திமுக தலைமை அலுவலகமான அண்ணா அறிவாலயத்தில் அந்தக் கட்சியின் எம்.பி.க்கள், எம்.எல்.ஏ.க்கள், கூட்டணிக் கட்சியைச் சோ்ந்தவா்களைச் சந்தித்து ஆதரவு கோருகிறாா். இதன்பின்பு, வியாழக்கிழமை இரவு 7 மணி முதல் நடைபெறும் ஒரு சில கூட்டங்களில் அவா் பங்கேற்கவுள்ளாா். அன்று இரவு சென்னையில் தங்கும் அவா், வெள்ளிக்கிழமை (ஜூலை 1) காலை சத்தீஸ்கா் மாநிலம் ராய்ப்பூா் புறப்பட்டுச் செல்கிறாா்.