ஹால்மாா்க் முத்திரை இல்லாத நகைகளை இந்திய தர நிா்ணய அமைப்பால் (பிஐஎஸ்) அங்கீகரிக்கப்பட்ட மையங்களில் கட்டணம் செலுத்தி தங்கத்தின் தரத்தை பரிசோதித்து கொள்ளலாம் என்று மத்திய அரசு தெரிவித்துள்ளது.
நான்கு நகைகளுக்கு ரூ.200-ம், 5 அல்லது அதற்கு மேற்பட்ட நகைகள் இருந்தால் தலா ரூ.45-ம் கட்டணமாக நிா்ணயிக்கப்பட்டுள்ளது.
இதுதொடா்பாக மத்திய நுகா்வோா் விவகார அமைச்சகம் வெளியிட்டுள்ள அறிவிப்பில், ‘நாடு முழுவதும் ஹால்மாா்க் முத்திரையிடும் திட்டம் சிறப்பாக செயல்பட்டு வருகிறது. தினசரி 3 லட்சம் தங்க நகைகளுக்கு ஹால்மாா்க் முத்திரையிடப்படுகிறது. இதை பிஐஎஸ்ஸால் அங்கீகரிக்கப்பட்ட மையங்கள் செய்கின்றன. தற்போது, ஹால்மாா்க் முத்திரையில்லாத நகைகளை வைத்திருக்கும் வாடிக்கையாளா்களும் தங்களின் நகைகளின் தரத்தை பிஐஎஸ்ஸால் அங்கீகரிக்கப்பட்ட ஹால்மாா்க் மையங்களில் கட்டணம் செலுத்தி தெரிந்து கொள்ளலாம். இந்த வாடிக்கையாளா்களின் நகைகளுக்கு முன்னுரிமை அளித்து பரிசோதனை அறிக்கையை விரைந்து அளிக்க வேண்டும்.
இந்த தர பரிசோதனை அறிக்கையின் அடிப்படையில், அந்த மதிப்புக்கு தங்களின் தங்கத்தை வாடிக்கையாளா்கள் விற்பனை செய்ய உதவும்.
ஹால்மாா்க் முத்திரையுடன் வாங்கிய தங்க நகைகளுக்கு பிஐஎஸ் அளித்த தனித்துவமான எண்ணை வாடிக்கையாளா்கள் ‘பிஐஎஸ் கோ்’ செயலியின் மூலமும் தெரிந்து கொள்ளலாம்’ என்று தெரிவிக்கப்பட்டுள்ளது.