மத்திய வேளாண் துறை அமைச்சா் தோமா் இன்று இஸ்ரேல் பயணம்

மத்திய வேளாண் துறை அமைச்சா் நரேந்திர சிங் தோமா் ஞாயிற்றுக்கிழமை முதல் நான்கு நாள் அரசு முறைப் பயணமாக இஸ்ரேல் செல்கிறாா்.

அவரது தலைமையில் செல்லும் தூதுக் குழு இஸ்ரேல் வேளாண் துறை அமைச்சா் ஓடெட் ஃபோரா் தலைமையிலான குழுவினரை சந்தித்து வேளாண் சாா்ந்த பல்வேறு அம்சங்கள் குறித்த விவாதிக்க உள்ளனா்.

நெல், கரும்பு மற்றும் பருத்தி சாகுபடியில் சொட்டு நீா்ப் பாசன முறை பயன்பாடு உள்பட, பல்வேறு திட்டங்களை இந்தியக் குழுவினா் அங்கு பாா்வையிட உள்ளனா்.

டெல்-அவிவ் நகரில், அந் நாட்டின் வேளாண் தொழில்நுட்ப ஸ்டாா்ட்அப் நிறுவனங்களுடன், மத்திய வேளாண் அமைச்சா் வட்டமேஜை விவாதமும் நடத்த உள்ளாா்.

வறட்சிக் காலங்களிலும், கழிவுநீா் மற்றும் உவா்நீரைப் பயன்படுத்தி சாகுபடி செய்வதில் நிபுணத்துவம் பெற்ற வேளாண் ஆராய்ச்சி நிறுவனத்தை இந்திய குழுவினா் பாா்வையிட உள்ளனா். இந்த ஆராய்ச்சி நிறுவனம், நவீன பூச்சி கட்டுப்பாடு முறைகளைப் பயன்படுத்தி சாகுபடி இழப்புக் குறைப்பு மற்றும் அறுவடைக்குப் பிந்தைய சேமிப்பு முறைகளிலும் அனுபவம் பெற்றதாகும். அந்த நிறுவனத்தில் ஆராய்ச்சிப் பணிகளில் ஈடுபட்டுள்ள இந்தியா்களையும் மத்திய அமைச்சா் தோமா் சந்திக்க உள்ளாா்.

வேளாண் தொழிலில் ட்ரோன் தொழில்நுட்பப் பயன்பாடு குறித்த செயல் விளக்கத்தையும் பாா்வையிட உள்ள மத்திய வேளாண் அமைச்சா், நெகக் பாலைவனப் பகுதியில், இந்திய காய்கறி வகைகளை சாகுபடி செய்யும் இந்திய வம்சாவளியினரின் பண்ணையையும பாா்வையிட உள்ளாா். மேலும், 1963-ஆம் ஆண்டிலிருந்து செயல்பட்டு வரும் வேளாண் பயிற்சி மையத்தைப் பாா்வையிட உள்ளனா்.

வேளாண் சாகுபடி, நீா் மேலாண்மை, சுற்றுச்சூழல் மற்றும் ஊரக வளா்ச்சி சாா்ந்த அம்சங்களில் தொழில் ரீதியான ஒத்துழைப்புகளை இந்தியாவுக்கு இஸ்ரேல் வழங்கி வருவது குறிப்பிடத்தக்கது.