நியாயமற்ற வா்த்தக நடைமுறைகளை சரிசெய்துகொள்ளாவிட்டால் கடும் நடவடிக்கை எடுக்கப்படும் என்று ஓலா, உபோ் உள்ளிட்ட இணையவழி வாடகை வாகன சேவை நிறுவனங்களுக்கு மத்திய அரசு எச்சரிக்கை விடுத்துள்ளது.
ஓலா, உபோ் உள்ளிட்ட இணையவழி வாடகை வாகன நிறுவனங்கள் மீது பொதுமக்கள் புகாா்கள் அளிப்பது அதிகரித்து வருகிறது. குறிப்பாக, முக்கிய நாள்களில் கட்டணத்தை உயா்த்திக் கொள்வது, பயணத்துக்கு முன்பதிவு செய்த பிறகு அதை ரத்து செய்ய ஓட்டுநா்கள் கட்டாயப்படுத்துவது, பயணத்தை ரத்து செய்தால், அதற்காக வாடிக்கையாளா்களிடம் அபராதம் வசூலிப்பது போன்ற நியாயமற்ற வா்த்தகக் கொள்கைகளை இந்த நிறுவனங்கள் கொண்டிருப்பதாகக் குற்றச்சாட்டுகள் எழுந்துள்ளன. மேலும், வாகனப் பயண ரத்து கொள்கையும் நியாயமின்றி இருப்பதாகப் புகாா்கள் எழுந்துள்ளன.
இந்த நிலையில், இந்த நிறுவனங்களின் பிரதிநிதிகள் பங்கேற்ற கூட்டம், தில்லியில் செவ்வாய்க்கிழமை நடைபெற்றது. அதில், மத்திய அரசு சாா்பில் மத்திய நுகா்வோா் பாதுகாப்பு ஆணையத்தின் தலைவா் நிதி கரே, மத்திய நுகா்வோா் விவகாரங்கள் துறைச் செயலா் ரோஹித் குமாா் சிங் உள்ளிட்டோா் கலந்து கொண்டனா்.
கூட்டத்துக்குப் பின் ரோஹித் குமாா் சிங் கூறியதாவது:
உபோ், ஓலா உள்ளிட்ட நிறுவனங்களுக்கு எதிராக பொதுமக்கள் புகாா் அளிப்பது அதிகரித்துள்ளதை சுட்டிக்காட்டினோம். இதுதொடா்பான புள்ளி விவரங்களையும் அவா்களிடம் அளித்தோம். பொதுமக்கள் கூறும் புகாா்களை திருத்திக் கொள்ள வேண்டும் என்று அவா்களுக்கு அறிவுறுத்தினோம். இல்லாவிட்டால் கடும் நடவடிக்கையைச் சந்திக்க நேரிடும் என்றும் எச்சரித்துள்ளோம் என்றாா் அவா்.
அதைத் தொடா்ந்து நிதி கரே கூறுகையில், ‘வாடகை சேவை நிறுவனங்கள் தங்கள் கொள்கைகளைத் திருத்திக் கொள்வதை உறுதிப்படுத்துவதற்காக அந்த நிறுவனங்களுககு விரைவில் வழிகாட்டு நெறிமுறைகள் அனுப்பி வைக்கப்படும்’ என்றாா்.
உபோ் நிறுவனம் கருத்து:
கூட்டத்துக்குப் பின் உபோ் நிறுவனத்தின் இந்திய மற்றும் தெற்காசியத் தலைவா் நிதீஷ் பூஷண் கூறுகையில், ‘மத்திய நுகா்வோா் விவகாரங்கள் துறையின் அறிவுறுத்தல்களை ஏற்றுக்கொள்கிறோம். மக்களுக்கான சேவை வழங்குவதையே பிரதானமாகக் கருதுகிறோம். எங்கள் தரத்தை உயா்த்திக் கொள்வதில் உறுதியாக இருக்கிறோம்’ என்றாா்.
கூட்டத்தில் கலந்து கொண்ட ஓலா, ரேபிடோ, மேரு, ஜுக்னு நிறுவனங்களின் பிரதிநிதிகள் கருத்து எதுவும் தெரிவிக்கவில்லை.