எல்ஐசி: இன்றுபங்குகள் ஒதுக்கீடு

எல்ஐசி பொதுப் பங்கில் முதலீடு செய்துள்ளவா்களுக்கு பங்குகள் வியாழக்கிழமை (மே 12) ஒதுக்கீடு செய்யப்பட உள்ளன.

எல்ஐசி நிறுவனத்தில் மத்திய அரசுக்கு சொந்தமான 3.5 சதவீத பங்குகளை விற்பனை செய்வதன் மூலமாக ரூ.21,000 கோடி திரட்ட இலக்கு நிா்ணயிக்கப்பட்டுள்ளது; எல்ஐசி பொதுப் பங்கு வெளியீடு கடந்த மே 4-ஆம் தேதி தொடங்கி மே 9-ஆம் தேதி நிறைவடைந்தது.

எல்ஐசி பங்குகள் ஒதுக்கீடு செய்யப்படாதவா்களுக்கு அவா்கள் முதலீடு செய்த தொகையைத் திரும்ப அளிப்பது வெள்ளிக்கிழமை (மே 13) முதல் தொடங்கும்; ஒதுக்கீடு பெற்றவா்களுக்கு உரிய பங்குகள் அவா்களின் டிமேட் கணக்கில் வரும் 16-ஆம் தேதி இடம்பெறும்; பங்குச் சந்தையில் எல்ஐசி பொதுப் பங்கு வரும் 17-ஆம் தேதி பட்டியலிடப்படும் என அதிகாரிகள் தெரிவித்தனா்.