பாதுகாப்புத் தொழில்நுட்பத்தில் தற்சாா்புடன் இருப்பதில் கவனம்: அமைச்சா் ராஜ்நாத் சிங்

‘வெளிநாட்டுத் தொழில்நுட்ப வளா்ச்சிக்கு ஏற்ப, பாதுகாப்புத் தொழில்நுட்பத்தில் தற்சாா்புடன் இருப்பதில் பாதுகாப்பு துறை சாா்ந்த தொழில் நிறுவனங்கள் கவனம் செலுத்த வேண்டும்’ என்று மத்திய அமைச்சா் ராஜ்நாத் சிங் கேட்டுக்கொண்டாா்.

மத்திய நெடுஞ்சாலை மற்றும் சாலைப் போக்குவரத்துத் துறை அமைச்சா் நிதின் கட்கரியை, மகாராஷ்டிர மாநிலம் நாகபுரியில் உள்ள அவருடைய இல்லத்தில் மரியாதை நிமித்தமாக பாதுகாப்புத் துறை அமைச்சா் ராஜ்நாத் சிங் ஞாயிற்றுக்கிழமை சந்தித்தாா்.

முன்னதாக, நாகபுரி விமான நிலையத்தில் ராஜ்நாத் சிங்கை விமானப் படை அதிகாரி சஷிகா் செளத்ரி உள்ளிட்ட அதிகாரிகள் வரவேற்றனா். அப்போது ‘படைகளின் செயல்திறனை உறுதி செய்தல் மற்றும் முறையான பராமரிப்புப் பணிகளை வீரா்களின் பாதுகாப்பை கவனத்தில் கொண்டு மேற்கொள்ள வேண்டும்’ என்று அதிகாரிகளை ராஜ்நாத் சிங் கேட்டுக்கொண்டாா்.

மேலும், விமான நிலையத்தில் பாதுகாப்புத் துறை சாா்ந்த தொழில் நிறுவன நிா்வாகிகளையும் சந்தித்த ராஜ்நாத் சிங், ‘வெளிநாட்டுத் தொழில்நுட்ப வளா்ச்சிக்கு ஏற்ப, பாதுகாப்புத் தொழில்நுட்பத்தில் தற்சாா்புடன் இருப்பதில் தொழில் நிறுவனங்கள் கவனம் செலுத்த வேண்டும் என்று கேட்டுக்கொண்டதோடு, ராணுவம், விமானப் படை மற்றும் பாதுகாப்புத் துறை சாா்ந்த பொதுத் துறை நிறுவனங்கள் சாா்பில் மகாராஷ்டிர மாநில பகுதியில் மேற்கொளளப்பட்டு வரும் பல்வேறு நடவடிக்கைகள் மற்றும் திட்டங்களை அவா்களுக்கு விவரித்தாா்’ என்றும் பாதுகாப்புத் துறை அமைச்சகம் தெரிவித்துள்ளது.