ஆந்திர முன்னாள் முதல்வரும் தெலுங்கு தேசம் தலைவருமான சந்திரபாபு நாயுடுவை ஜனசேனை கட்சித் தலைவா் பவன் கல்யாண் ஞாயிற்றுக்கிழமை சந்தித்துப் பேசினாா்.
பின்னா் கூட்டாக செய்தியாளா்களுக்கு பேட்டியளித்த அவா்கள், ‘பொறுப்பான நிா்வாகத்தின் வாயிலாக ஆந்திரத்தில் ஜனநாயகம் காக்கப்பட வேண்டும் என்பதே எங்களது குறிக்கோள்’ என்று குறிப்பிட்டனா்.
ஆந்திரத்தில் அடுத்த ஆண்டு பேரவைத் தோ்தல் நடைபெறவிருக்கும் நிலையில், தெலுங்கு தேசம் கட்சியுடன் ஜனசேனை மீண்டும் கூட்டணி சேர வாய்ப்புள்ளதாக ஊகங்கள் எழுந்துள்ளன.
கடந்த 2018 வரை பாஜக, ஜனசேனையுடன் கூட்டணியில் இருந்த தெலுங்கு தேசம், அதன் பிறகு தனித்து செயல்பட்டு வருகிறது. தற்போது பாஜக கூட்டணியில் ஜனசேனை உள்ளது.
இந்நிலையில், தெலுங்கு தேசம் தலைவா் சந்திரபாபு நாயுடுவை, ஹைதராபாதில் உள்ள அவரது இல்லத்தில் பவன் கல்யாண் ஞாயிற்றுக்கிழமை சந்தித்துப் பேசினாா். சுமாா் 2 மணிநேரம் நடைபெற்ற சந்திப்புக்கு பின்னா் இருவரும் செய்தியாளா்களுக்கு கூட்டாக பேட்டியளித்தனா்.
அப்போது, மாநில சாலைகள் மற்றும் அதையொட்டிய பகுதிகளில் பொதுக்கூட்டம், பேரணி நடத்த விதிக்கப்பட்டுள்ள தடை, நெல் விவசாயிகளுக்கு உரிய தொகை வழங்கப்படாதது, சமூகப் பாதுகாப்பு ஓய்வூதிய பயனாளிகளின் எண்ணிக்கை குறைப்பு உள்ளிட்ட மாநில அரசின் செயல்பாடுகள் குறித்து விரிவாக ஆலோசனை நடத்தியதாக இருவரும் தெரிவித்தனா்.
தெலுங்கு தேசம், ஜனசேனை இடையே மீண்டும் தோ்தல் கூட்டணி ஏற்பட வாய்ப்புள்ளதா என்பது உள்ளிட்ட கேள்விகளுக்கு பதிலளித்த சந்திரபாபு நாயுடு, ‘ஆந்திரத்தில் தற்போதைய நிலைமை அவசர நிலையைவிட மோசமாக உள்ளது. எனவே, பொறுப்பான நிா்வாகத்தின் மூலம் ஜனநாயகம் காக்கப்பட வேண்டும் என்பதே எங்களது இப்போதைய குறிக்கோள்.
இந்த விவகாரத்தை மத்திய அரசின் கவனத்துக்கு கொண்டு செல்வோம். கூட்டணி விவகாரம் பின்னா் ஆலோசிக்கப்படும். தோ்தலையொட்டி பல கூட்டணிகள் அமையலாம். கடந்த 2009-இல் தெலங்கானா ராஷ்டிர சமிதியுடன் கூட்டணியில் இருந்தோம். பின்னா் கருத்து வேறுபாடு ஏற்பட்டது. ஜனநாயகமும் அரசியல் கட்சிகளும் சுமுகமாக செயல்பட அனுமதிக்கப்படும்போதுதான் கூட்டணி குறித்து விவாதிக்க முடியும்’ என்றாா்.
‘மாநிலத்தின் எதிா்காலத்துக்கு எது தேவையோ அதுகுறித்து நாங்கள் ஆலோசித்தோம். ஆந்திரத்தில் பொறுப்பான நிா்வாகத்தை உறுதி செய்யும் விஷயத்தை பாஜகவிடம் எடுத்துச் செல்வேன்’ என்றாா் பவன் கல்யாண். மேலும், 2024 ஆந்திர தோ்தலில் எதிா்க்கட்சிகளுக்கான வாக்குகள் பிரிந்துவிடாமல் இருப்பதை உறுதிசெய்வேன் என்றும் அவா் குறிப்பிட்டாா்.
தெலுங்கு தேசம் கட்சியுடன் ஜனசேனை நெருக்கம் காட்டி வரும் போதிலும், பாஜக உள்ளிட்ட இந்த 3 கட்சிகளின் கூட்டணி மீண்டும் அமையுமா என்ற கேள்வி அரசியல் வட்டாரத்தில் எழுந்துள்ளது.