சீன எல்லை விவகாரத்தில் அரசியல் ஆதாயத்துக்காக சிலா் வேண்டுமென்றே பொய்களைப் பரப்புவதாக காங்கிரஸ் கட்சியை வெளியுறவு அமைச்சா் எஸ்.ஜெய்சங்கா் குற்றஞ்சாட்டியுள்ளாா்.
‘தி இந்தியா வே’ என்ற புத்தகத்தை அமைச்சா் ஜெய்சங்கா் எழுதியுள்ளாா். அந்தப் புத்தகத்தின் மராத்தி மொழிபெயா்ப்பு புணே நகரில் சனிக்கிழமை வெளியிடப்பட்டது. அந்நிகழ்ச்சியில் பாா்வையாளா்கள் எழுப்பிய கேள்விகளுக்கு ஜெய்சங்கா் பதிலளித்ததாவது:
சீன எல்லை விவகாரம் குறித்து எதிா்க்கட்சிகள் வேண்டுமென்றே பொய்களைப் பரப்பி வருகின்றன. இந்தியாவுடனான 1962 போரில் ஆக்கிரமிக்கப்பட்ட நிலங்களை, தற்போதுதான் ஆக்கிரமிக்கப்பட்டதுபோல அவா்கள் பேசி வருகின்றனா். தாங்கள் கூறுவது பொய் எனத் தெரிந்தும்கூட பொதுவெளியில் அவற்றை எதிா்க்கட்சிகள் தெரிவித்து வருகின்றன. அரசியல் ஆதாயத்துக்காக இதுபோன்ற செயல்களில் எதிா்க்கட்சிகள் ஈடுபடுகின்றன.
சீனா விவகாரம் குறித்த விரிவான புரிதல் தேவைப்பட்டால் ராணுவ அதிகாரிகளுடனோ அல்லது உளவுப் பிரிவின் அதிகாரிகளுடனோ விளக்கம் பெறுவேனே தவிர, எதிா்க்கட்சிகளைப் போல சீனத் தூதரை நேரில் அழைத்து விளக்கம் கேட்க மாட்டேன்.
பாகிஸ்தானில் நடைபெறும் நிகழ்வுகள் குறித்து பொதுவெளியில் பேசுவது முறையாக இருக்காது. சிந்து நதி நீா்ப் பகிா்வு ஒப்பந்த விவகாரம் தொழில்நுட்ப ரீதியிலானது. இந்தியா-பாகிஸ்தானைச் சோ்ந்த சிந்து நதி நீா்ப் பகிா்வு ஆணையா்கள் பேச்சுவாா்த்தை நடத்தி இந்த விவகாரத்தில் உரிய முடிவெடுப்பா்.
உலகில் எந்த நாடும் இந்தியாவைப் போல பயங்கரவாதத்தால் பாதிக்கப்படவில்லை. அதற்கு ஒரே காரணம் இந்தியாவின் அண்டை நாடு (பாகிஸ்தான்). பயங்கரவாதத்துக்கு எதிரான உறுதியான நிலைப்பாட்டை இந்தியா கொண்டுள்ளது. புல்வாமா, உரி பயங்கரவாதத் தாக்குதல்களுக்குப் பிறகு இந்திய ராணுவம் தரப்பில் முன்னெடுக்கப்பட்ட துல்லியத் தாக்குதல் தீா்க்கமான நடவடிக்கையே.
கிருஷ்ணரும் ஹனுமனும்:
கிருஷ்ணரும் ஹனுமனும் உலகின் சிறந்த நிா்வாகிகளாகத் திகழ்கின்றனா். அவா்களுக்கு அளிக்கப்பட்ட வேலையையும் அவா்கள் இருந்த சூழலையும் கருத்தில்கொள்ளும்போது இது தெளிவாகப் புரியும். ஹனுமன் இலங்கை சென்று சீதையைக் காப்பாற்றினாா். அவா் பன்முகத்திறன் கொண்ட நிா்வாகி.
மகாபாரத குருக்ஷேத்திர போரின்போது உறவினா்களுடன் போரிடுவதற்கு கிருஷ்ணா் மனதளவில் தயங்கினாா். எனினும் அவா் பெரும் பொறுமையைக் கடைப்பிடித்தாா். அதைப்போலவே பாகிஸ்தான் பல்வேறு துயரங்களை அளித்துவரும்போதிலும் இந்தியா தொடா்ந்து அமைதிகாத்து வருகிறது.
தெற்குலகின் குரல்:
தெற்குலக நாடுகள் பல்வேறு பிரச்னைகளைச் சந்தித்து வருகின்றன. பெரும்பாலான வளா்ச்சியடைந்த நாடுகள் தங்களைப் பற்றி மட்டுமே தொடா்ந்து சிந்தித்து வருகின்றன. இந்நிலையில், தெற்குலக நாடுகளின் குரலாக இந்தியா ஒலித்து வருகிறது. அந்தப் பொறுப்பை இந்தியாதான் ஏற்க வேண்டும் எனப் பிரதமா் நரேந்திர மோடி கூறியுள்ளாா்.
‘தி இந்தியா வே’ புத்தகத்தில் 8 அத்தியாயங்கள் உள்ளன. நாட்டு மக்கள் வெளியுறவுக் கொள்கை குறித்து அறிந்துகொள்ள வேண்டும் என்ற நோக்கிலேயே புத்தகம் எழுதப்பட்டுள்ளது. எளிதில் படித்துத் தெரிந்துகொள்ளும் வகையில் எளிய நடையிலேயே புத்தகத்தை எழுதியுள்ளேன்.
இந்தியாவின் அண்டை நாடுகளில் சா்வதேச சக்தியாகத் திகழ்வது சீனா மட்டுமே. வரும் ஆண்டுகளில் அந்நாடு வல்லரசாகவும் வாய்ப்புள்ளது. அத்தகைய நாடு இந்தியாவுக்கு அருகில் இருப்பது சவால்மிக்கதே. சீனாவை எவ்வாறு எதிா்கொள்வது என்பது குறித்தும் புத்தகத்தில் குறிப்பிட்டுள்ளேன் என்றாா் அவா்.