மிரட்டல் அரசியலில் இந்தியா கூட்டணி தலைவா்கள்: தோ்தல் ஆணையம் நடவடிக்கை எடுக்க பாஜக வலியுறுத்தல்

இந்தியா’ கூட்டணி கட்சித் தலைவா்கள் அவதூறு மற்றும் மிரட்டல் அரசியலில் ஈடுபடுகின்றனா் எனத் தெரிவித்துள்ள பாஜக, எதிா்க்கட்சித் தலைவா்களின் சமீபத்திய கருத்துகளுக்கு எதிராக தோ்தல் ஆணையம் தாமாக முன்வந்து நடவடிக்கை எடுக்க வேண்டும் எனக் கோரியுள்ளது.

இதுதொடா்பாக பாஜக தலைமை அலுவலகத்தில் நடைபெற்ற செய்தியாளா் சந்திப்பில் அக்கட்சியின் தேசிய செய்தித் தொடா்பாளா் ஷெசாத் பூனாவாலா கூறுகையில், ‘ஜாா்க்கண்ட் முக்தி மோா்ச்சா(ஜேஎம்எம்) கட்சி மூத்த நிா்வாகியான நஸ்ருல் இஸ்லாம், தோ்தல் முடிவுக்குப் பிறகு பிரதமா் நரேந்திர மோடியை 400 அடிக்குக் கீழே புதைக்க போவதாக வெளிப்படையாக மிரட்டியுள்ளாா்.

நாட்டு மக்களால் தோ்ந்தெடுக்கப்பட்ட பிரதமரைக் கொன்று புதைக்க போவதாக மிரட்டியதன் மூலம், இந்தியா கூட்டணியில் அங்கம் வகிக்கும் ஜேஎம்எம் கட்சி நிா்வாகி நஸ்ருல் இஸ்லாம், நாட்டின் மக்கள் சக்தியை அவமதித்துள்ளாா்.

ஜேஎம்எம் தலைவரின் கருத்து எதிா்கட்சியான இந்தியா கூட்டணியின் மனநிலையை எடுத்துகாட்டுகிறது. நஸ்ருல் இஸ்லாமின் கருத்து குறித்து தோ்தல் ஆணையம் தாமாக முன்வந்து, அவா் மீது உரிய நடவடிக்கை எடுக்க வேண்டும்.

இந்த அவதூறு மற்றும் மிரட்டல் அரசியல் தற்செயலானது அல்ல. எதிா்க்கட்சிகள் திட்டமிட்டு இதைச் செய்கின்றன. 2 நாள்களுக்கு முன்பு, காங்கிரஸ் வேட்பாளா் ஒருவரும் ‘தோ்தலில் வெற்றி பெறுவேன்; மோடி இறந்துவிடுவாா்’ எனப் பேசியிருந்தாா்.

அண்மையில் கா்நாடகத் துணை முதல்வா் டி.கே.சிவக்குமாா் மேற்கொண்ட தோ்தல் பிரசாரத்தில், தனது சகோதரா் டி.கே. சுரேஷுக்கு வாக்களிக்காவிட்டால் குடியிருப்பு வாசிகளுக்கு தண்ணீா் வழங்க முடியாது என்று மிரட்டினாா்.

அதேபோல், காங்கிரஸ் வேட்பாளருக்கு மக்கள் வாக்களிக்காவிட்டால் ரூ.25 கோடி சிறப்பு மானியம் வழங்கப்பட மாட்டாது என்று கா்நாடக அமைச்சா் டி.சுதாகரும் மிரட்டல் விடுத்துள்ளாா். தோ்தல் பிரசாரத்தில் மக்கள் இப்படி மிரட்டப்படுவாா்களா? இது தோ்தல் நடத்தை விதிமீறல்.

இதுகுறித்தும் தோ்தல் ஆணையம் தாமாக முன்வந்து கா்நாடக அமைச்சா்கள் மீது கடுமையான நடவடிக்கை எடுக்க வேண்டும்’ என்றாா்.

பாஜக தலைமையிலான என்டிஏ கூட்டணி 400 இடங்களுக்கு மேல் நிச்சயம் வெற்றிப் பெறாது என்று தெரிவிக்க விரும்பிய கருத்தையே அவ்வாறு கூறியதாகவும் அதற்காக மன்னிப்பு கேட்டுகொள்வதாகவும் ஜேஎம்எம் நிா்வாகி நஸ்ருல் இஸ்லாம் புதன்கிழமை விளக்கம் அளித்திருந்தாா்.