வடகிழக்கு மாநிலங்களில் விறுவிறு வாக்குப்பதிவு!

மேகாலயாவில் வாக்குச்சாவடியில் காத்திருக்கும் பெண் வாக்காளர்கள்
மேகாலயாவில் வாக்குச்சாவடியில் காத்திருக்கும் பெண் வாக்காளர்கள் படம் | பிடிஐ

தமிழகம், புதுச்சேரியில் மொத்தமுள்ள 40 மக்களவை தொகுதிகளிலும் உள்ள் வாக்குச்சாவடிகளிலும் வாக்குப்பதிவு விறுவிறுப்பாக நடைபெற்று வருகிறது.

தமிழகம் உள்பட 21 மாநிலங்களில் 102 மக்களவை தொகுதிகளிலும் காலை 7 மணிக்கு வாக்குப் பதிவு தொடங்கி நடைபெற்று வருகிறது. மாலை 6 மணியுடன் வாக்குப்பதிவு நிறைவடைகிறது.

சிக்கிம், அருணாசல் பிரதேசம் ஆகிய வடகிழக்கு மாநிலஙகளில் 92 சட்டப்பேரவைத் தொகுதிகளுக்கு இன்று(ஏப். 19) வாக்குப்பதிவு நடைபெற்று வருகிறது. அருணாசல பிரதேசத்தில் மக்களவைத் தோ்தலுடன் 50 சட்டப் பேரவைக்கும் வெள்ளிக்கிழமை ஒரே நேரத்தில் தோ்தல் நடைபெறுகிறது.

பிற்பகல் 3 மணி நிலவரப்படி, அருணாசல் பிரதேசத்தில்53 சதவிகித வாக்குப்பதிவாகியுள்ளது. சிக்கிமில் 52 சதவிகித வாக்குப்பதிவாகியுள்ளது.

அஸ்ஸாம், மணிப்பூர், மேகாலயா, மிஸோரம், நாகாலாந்து திரிபுரா ஆகிய மாநிலங்களில் மக்களவை தேர்தலுக்கான முதற்கட்ட வாக்குப்பதிவு இன்று(ஏப். 19) நடைபெற்று வருகிறது.

அஸ்ஸாமில் திப்ருகர், ஜோர்ஹாட், லக்கிம்பூர், சோனித்பூர் மற்றும் காசிரங்கா ஆகிய 5 மக்களவை தொகுதிகளுக்கும் வாக்குப்பதிவு இன்று(ஏப். 19) நடைபெற்று வருகிறது. இந்த 5 தொகுதிகளிலும் ஆண்களை விட பெண் வாக்களர்களே அதிகம்.

இந்த நிலையில், அஸ்ஸாமில் பெரும்பாலான வாக்குச்சாவடிகளில் அதிகாலை 5 மணி முதலே பெண்கள் திரண்டிருந்து, காலை 7 மணிக்கு வாக்குப்பதிவு தொடங்கியதும் வாக்களித்து சென்றதை காண முடிந்தது.

இதனிடையே, மணிப்பூரின் மொய்ராங்கில் உள்ள தமன்போக்பி பகுதியில் அமைந்துள்ள் ஒரு வாக்குச் சாவடியில் துப்பாக்கிச்சூடு நடைபெற்றதால் அங்கு பதற்றமான சூழல் நிலவியது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com