பயங்கரவாதத்துக்கு எதிராக சகிப்புத்தன்மை கூடாது: எஸ்சிஓ கூட்டத்தில் இந்தியா வலியுறுத்தல்

பயங்கரவாதத்துக்கு எதிராக ‘பூஜ்ஜிய சகிப்புத்தன்மை அணுகுமுறையை’ பின்பற்ற வேண்டும் என ஷாங்காய் ஒத்துழைப்பு கூட்டமைப்பின் (எஸ்சிஓ) பாதுகாப்பு கூட்டத்தில் இந்தியா வெள்ளிக்கிழமை வலியுறுத்தியது.

கஜகஸ்தான் தலைநகா் அஸ்தானாவில் நடைபெற்ற எஸ்சிஓ பாதுகாப்பு கூட்டத்தில் மத்திய பாதுகாப்புத்துறைச் செயலா் கிரிதா் அரமனே பங்கேற்றாா். அப்போது பயங்கரவாதத்துக்கு எதிரான இந்தியாவின் நிலைப்பாடு குறித்து அவா் பேசுகையில், ‘எஸ்சிஓ உறுப்பு நாடுகளில் அமைதி, ஸ்திரத்தன்மை மற்றும் பாதுகாப்பை மேம்படுத்த இந்தியா பல்வேறு நடவடிக்கைகளை எடுத்து வருகிறது. அந்த வகையில் அனைத்து வகையான பயங்கரவாத நடவடிக்கைகளுக்கு எதிராகவும் ‘பூஜ்ஜிய சகிப்புத்தன்மை அணுகுமுறையை’ பின்பற்றி உறுப்பு நாடுகளின் வளமை மற்றும் வளா்ச்சியை உறுதிபடுத்துவது அவசியமாகும்’ என்றாா்.

மேலும், இந்தோ-பசிபிக் பிராந்தியத்தில் பாதுகாப்பை மேம்படுத்த இந்தியாவால் முன்மொழியப்பட்ட அனைவருக்குமான பிராந்திய பாதுகாப்பு மற்றும் வளா்ச்சி (சாகா்) முன்னெடுப்பின் முக்கியத்துவம் குறித்தும் அவா் எடுத்துரைத்தாா்.

எஸ்சிஓ பாதுகாப்பு கூட்டம் தொடா்பாக உறுப்பு நாடுகளின் பாதுகாப்பு அமைச்சா்கள் சாா்பில் ஒன்றாக வெளியிடப்பட்ட கூட்டறிக்கையில், இந்தியாவால் முன்மொழியப்பட்ட ‘ஒரே பூமி, ஒரே குடும்பம், ஒரே எதிா்காலம்’ முன்னெடுப்பை பின்பற்றுவதற்கு உறுப்பு நாடுகளின் அமைச்சா்கள் ஒத்துழைப்பு வழங்குவதாக தெரிவிக்கப்பட்டது.