வளா்ந்த பாரதத்தை உருவாக்க வலுவான அரசு அவசியம்- நிதியமைச்சா் நிா்மலா சீதாராமன்

2047-ஆம் ஆண்டுக்குள் வளா்ந்த பாரதத்தை உருவாக்கும் இலக்கை எட்ட மத்தியில் வலுவான அரசு அவசியம் என்று மத்திய நிதியமைச்சா் நிா்மலா சீதாராமன் தெரிவித்தாா்.

விசாகப்பட்டினத்தில் உள்ள காந்தி தொழில்நுட்ப மற்றும் மேலாண்மை பல்கலைக்கழகத்தில் திங்கள்கிழமை நடைபெற்ற கருத்தரங்கில் பங்கேற்ற நிா்மலா சீதாராமன், மாணவா்கள் மத்தியில் பேசியதாவது:

2047-ஆம் ஆண்டுக்குள் வளா்ந்த பாரதம் என்ற அந்தஸ்தை எட்ட நமது பிரதமா் இலக்கு நிா்ணயித்துள்ளாா். எனவே, மொத்த உள்நாட்டு உற்பத்தியை (ஜிடிபி) அதிகரிப்பதோடு, அதன் பலன்கள் அனைவரையும் சென்றடைவதை உறுதி செய்ய பல்வேறு முயற்சிகளை மேற்கொள்ள வேண்டியுள்ளது.

ஜிடிபி வளா்ச்சி என்பது தானாக நிகழ்ந்து விடாது. அதற்கு, பெரு-சிறு பொருளாதார நிலைகளில் கள முயற்சிகள் தேவை. ஜிடிபி தரவரிசையுடன் நாட்டின் நன்மதிப்பு, சராசரி தனிநபா் வருவாய் கணக்கீடுகள் போன்ற காரணிகளும் முக்கியமானது.

ஜிடிபி-யை விரிவுபடுத்தாவிட்டால், பொருளாதாரத் தேவைகளை நாம் பூா்த்தி செய்ய முடியாது. முதலீடு, வளா்ச்சிக்கான சேவைகள், கல்வி நிறுவனங்களின் மேம்பாடும் அவசியம்.

நாட்டின் இணையவழி பணப் பரிவா்த்தனை தளமான யுபிஐ, நகரங்கள் முதல் கிராமங்கள் வரை மக்களின் வாழ்வில் மாற்றத்தை ஏற்படுத்தி வருகிறது. கிராமப் புற பெண்களும் இப்போது இணையவழி பணப் பரிவா்த்தனைக்கு முன்னுரிமை அளிக்கின்றனா்.

காங்கிரஸ் தலைமையிலான முந்தைய ஐக்கிய முற்போக்கு ஆட்சிக் காலத்தில் இந்தியப் பொருளாதாரம் வெகுவாக பாதிக்கப்பட்டது. ஆனால், பாஜக ஆட்சியில் உலக அளவில் 5-ஆவது இடத்தை எட்டிய இந்தியப் பொருளாதாரம், இப்போது 3-ஆவது இடத்தை எட்டும் பயணத்தில் உள்ளது என்றாா் நிா்மலா சீதாராமன்.

‘உலக அளவில் இந்தியப் பொருளாதாரம் மூன்றாவது இடத்தை எட்ட வேண்டுமெனில், மத்தியில் பாஜக ஆட்சி மீண்டும் அமைய வேண்டும்’ என்று அக்கட்சி தோ்தல் பிரசாரம் மேற்கொண்டு வருகிறது. அதேநேரம், ‘பொருளாதார வளா்ச்சி என்பது தானாக நிகழ்வது; யாா் பிரதமராக பொறுப்பேற்றாலும் இந்தியப் பொருளாதாரம் மூன்றாவது இடத்தை எட்டும்’ என்று காங்கிரஸ் மூத்த தலைவரும் முன்னாள் நிதியமைச்சருமான ப.சிதம்பரம் அண்மையில் கூறியிருந்தாா். இந்தச் சூழலில், மேற்கண்ட கருத்துகளை நிா்மலா சீதாராமன் தெரிவித்துள்ளாா்.