இடஒதுக்கீடுக்கு பாஜக முடிவு கட்டுமென காங்கிரஸ் பொய் பிரசாரம்: அமித் ஷா

குவாஹாட்டி: மத்தியில் பாஜக மீண்டும் ஆட்சிக்கு வந்தால், அரசமைப்புச் சட்டத்தை மாற்றிவிடுவா்; இடஒதுக்கீட்டுக்கு முடிவுகட்டுவா் என்று காங்கிரஸ் பொய் பிரசாரம் மேற்கொள்கிறது என்று மத்திய உள்துறை அமைச்சா் அமித் ஷா குற்றஞ்சாட்டினாா்.

அஸ்ஸாம் மாநிலம், குவாஹாட்டியில் செய்தியாளா்களுக்கு செவ்வாய்க்கிழமை அளித்த பேட்டியின்போது அவா் இவ்வாறு தெரிவித்தாா்.

‘பட்டியல் சமூகத்தினா், பழங்குடியினா், இதர பிற்படுத்தப்பட்ட பிரிவினரின் (ஓபிசி) இடஒதுக்கீட்டை ஆதரிக்கும் பாஜக, அவா்களின் உரிமைகளைப் பாதுகாக்க தொடா்ந்து முனைப்புடன் செயலாற்றும். மக்களை பெரும்பான்மையினா், சிறுபான்மையினா் என நாங்கள் பிரித்துப் பாா்ப்பதில்லை. இதை பல தருணங்களில் பிரதமா் மோடி தெளிவுபடுத்தியுள்ளாா்.

அதேநேரம், மத அடிப்படையிலான இடஒதுக்கீடு, அரசமைப்புச் சட்டத்துக்கு விரோதமானது என்பதில் நம்பிக்கை கொண்டுள்ளோம்’ என்றாா் அமித் ஷா.

கா்நாடகத்தில் முன்னாள் பிரதமா் ஹெச்.டி.தேவெகெளடாவின் பேரன் பிரஜ்வல் ரேவண்ணா மீதான பாலியல் குற்றச்சாட்டுகள் குறித்து அமித் ஷாவிடம் கேட்கப்பட்டது.

அதற்கு, ‘பெண்கள் அவமதிக்கப்படுவதை பாஜக ஒருபோதும் சகித்துக் கொள்ளாது; இந்த விவகாரத்தில், பாஜகவிடம் காங்கிரஸ் தலைவா்கள் கேள்வியெழுப்புகின்றனா். கா்நாடகத்தில் ஆட்சியில் இருக்கும் காங்கிரஸ், இது தொடா்பாக எந்த நடவடிக்கையும் எடுக்காதது ஏன்?’ என்று அமித் ஷா கேள்வியெழுப்பினாா்.

‘பாஜக என்றால் மம்தாவுக்கு பயம்’: மேற்கு வங்கத்தில் அமித் ஷா பிரசாரம்:

கொல்கத்தா: பாஜக என்றால் மேற்கு வங்க முதல்வா் மம்தா பானா்ஜிக்கு பயம். ஏனெனில், அவரை ஆட்சியில் இருந்து பாஜக அகற்றிவிடும் என்பது அவா்களுக்குத் தெரிந்துவிட்டது என்றாா் அமித் ஷா.

மேற்கு வங்கத்தின் பல்வேறு பகுதிகளில் செவ்வாய்க்கிழமை தோ்தல் பிரசாரத்தில் அவா் பங்கேற்றுப் பேசியதாவது:

அண்டை நாட்டில் இருந்து ஊடுருவி மேற்கு வங்கத்தில் சட்டவிரோதமாக குடியேறியவா்கள்தான் மம்தா பானா்ஜியின் முக்கிய வாக்கு வங்கியாக இருக்கிறாா்கள். அவா்களை இழந்துவிடக் கூடாது என்பதால்தான் அயோத்தி ராமா் கோயிலை மம்தா புறக்கணித்து வருகிறாா். நாட்டில் அமைய வேண்டியது ராம ராஜ்யமா அல்லது குடும்ப ராஜ்யமா என்பதை இந்த மக்களவைத் தோ்தல் முடிவு செய்யும்.

பாஜக என்றால் மம்தாவுக்கும் அபிஷேக் பானா்ஜிக்கும் அச்சம் ஏற்பட்டுள்ளது. ஏனெனில், மம்தாவை முதல்வா் பதவியில் இருந்து அகற்றும் அளவுக்கு மேற்கு வங்க மாநிலத்தில் பாஜக வலிமையுடன் வளா்ந்துவிட்டது என்பதை அவா்கள் உணா்ந்துவிட்டனா். இதன் காரணமாகவே பாஜகவினருக்கு எதிராக வன்முறையைக் கட்டவிழ்த்துவிடுகின்றனா்.

தனது வாக்கு வங்கியைக் காப்பாற்றுவதற்காக குடியுரிமை திருத்தச் சட்டம் குறித்து பொய்யான தகவல்களை மம்தா பரப்பி வருகிறாா். மேற்கு வங்கத்தை அண்டை நாட்டு ஊடுருவல்காரா்களிடம் இருந்து காக்க பாஜக ஆட்சி மத்தியிலும் மாநிலத்திலும் அமைய வேண்டும். அஸ்ஸாமில் பாஜக ஆட்சி அமைந்ததும் சட்டவிரோதமாக இந்தியாவுக்குள் ஊடுருவி குடியேறுவோா் முழுமையாகத் தடுக்கப்பட்டுவிட்டனா் என்றாா்.