75 வயது முதியவா் மீண்டும் பிரதமராக வேண்டுமா? லாலு மகள் மிசா பாரதி பிரசாரம்

‘அக்னி வீா்’ திட்டம் குறித்த விமா்சனத்தின்போது, 75 வயது முதியவா் மீண்டும் பிரதமராக வேண்டுமா? என்று ராஷ்ட்ரீய ஜனதா தளத் தலைவா் லாலு பிரசாத் யாதவின் மகள் மிசா பாரதி கேள்வி எழுப்பினாா்.

பிகாா் தலைநகா் பாட்னாவின் புகா்ப் பகுதிகளை உள்ளடக்கிய பாடலிபுத்திரம் மக்களவைத் தொகுதிக்கு இறுதி கட்டமாக வரும் ஜூன் 1-ஆம் தேதி வாக்குப்பதிவு நடைபெறுகிறது. இத்தொகுதியில் ராஷ்ட்ரீய ஜனதா தளம்(ஆா்ஜேடி) சாா்பில் அக்கட்சித் தலைவா் லாலு பிரசாத் யாதவின் மகள் மிசா பாரதி போட்டியிடுகிறாா்.

கடந்த 2 தோ்தல்களிலும் இதே தொகுதியில் போட்டியிட்டு தோல்வியைத் தழுவிய அவா், இம்முறை அனல் பறக்கும் பிரசாரத்தில் ஈடுபட்டு வருகிறாா். பிராசரக் கூட்டத்தில் புதன்கிழமை அவா் பேசியதாக விடியோ ஒன்று பகிரப்பட்டு வருகிறது.

அந்த விடியோவில், ‘பாதுகாப்புப் படைகளுக்கான ஆள்சோ்ப்பு நடவடிக்கைக்கு அக்னி வீா் திட்டத்தை மத்திய பாஜக அரசு கொண்டு வந்தது. நாட்டுக்காக போராடும் இளைஞா்கள் 22 வயதில் ஓய்வெடுக்க வேண்டுமாம். ஆனால், 75 வயதாகும் நரேந்திர மோடி மீண்டும் 3-ஆவது முறையாக பிரதமா் ஆவதற்கு ஆசைப்படுகிறாா்’ என்று மிசா பாரதி விமா்சித்துள்ளாா்.

பாஜக, ஜேடி(யு) பதிலடி: இதற்கு பதிலளித்த பாஜக தேசிய செய்தித் தொடா்பாளா் ஷாநவாஸ் ஹுசைன், ‘மிசா பாரதியின் தந்தை லாலு பிரசாத்தைவிட பிரதமா் மோடி இளையவரே. அவதூறு பரப்புவதற்கு முன்னா் இதை மனதில் கொண்டு பாரதி சிந்திக்க வேண்டும்’ என்றாா்.

பாஜக கூட்டணியில் அங்கம் வகிக்கும் முதல்வா் நீதிஷ் குமாரின் ஐக்கிய ஜனதா தளத்தின் (ஜேடியு) செய்தித் தொடா்பாளா் நீரஜ் குமாா் கூறுகையில், ‘மிசா பாரதி தனது தந்தை லாலு குறித்து இதே ரீதியில் விமா்சித்துப் பேசுவாரா? தோ்தல் முடிவில் மிசா பாரதி தக்க பாடம் கற்பாா். அவரை எதிா்த்துப் போட்டியிடும் எங்கள் கூட்டணி வேட்பாளா் ராம் கிா்பால் யாதவுக்கு ஸ்ரீராமரின் ஆசீா்வாதம் இருக்கிறது’ என்றாா்.

லாலு பிரசாத்தின் நெருங்கிய நண்பராக அறியப்பட்ட ராம் கிா்பால் யாதவ், 2014 மக்களவைத் தோ்தலுக்கு முன்னதாக ஆா்ஜேடி கட்சியிலிருந்து விலகி பாஜகவில் இணைந்தாா். தொடா்ந்து, பாடலிபுத்திரம் தொகுதியில் பாஜக வேட்பாளராக அவா் களமிறக்கப்பட்டாா். அடுத்த 2 தோ்தல்களிலும் மிசா பாரதியைத் தேற்கடித்து அவா் வெற்றி பெற்றாா்.

மூன்றாவது முறையாக, பாடலிபுத்திரம் தொகுதியில் ராம் கிா்பால் யாதவுக்கு எதிராக மிசா பாரதி பலப்பரீட்சை நடத்துகிறாா்.