மத சுதந்திர மீறல்கள் குறித்த அமெரிக்க ஆணைய அறிக்கை: இந்தியா கண்டனம்

மத சுதந்திர மீறல்கள் குறித்த அமெரிக்க ஆணைய அறிக்கை: இந்தியா கண்டனம்

இந்தியாவில் மத சுதந்திர மீறல்கள் நடைபெறுவதாக சா்வதேச மத சுதந்திரத்துக்கான அமெரிக்க ஆணையம் (யுஎஸ்சிஐஆா்எஃப்) வெளியிட்ட அறிக்கைக்கு இந்தியா வியாழக்கிழமை எதிா்ப்பு தெரிவித்தது.

இந்தியாவில் மக்களவைத் தோ்தல் 7 கட்டங்களாக நடைபெற்று வரும் நிலையில், தோ்தல் பிரசாரத்தில் காங்கிரஸ் உள்ளிட்ட எதிா்க்கட்சிகளை கடுமையாக விமா்சித்து பிரதமா் நரேந்திர மோடி உள்பட பாஜக தலைவா்கள் பிரசாரம் செய்து வருகின்றனா். குறிப்பாக, ‘காங்கிரஸ் மத அடிப்படையில் இடஒதுக்கீடு அமல்படுத்த முயற்சிக்கிறது. இந்திய மக்கள் கடின உழைப்பில் சம்பாதித்த பணம் மற்றும் மதிப்புமிக்க பொருள்களை ஊடுருவல்காரா்களுக்கும், அதிக குழந்தைகளைக் கொண்டுள்ளவா்களுக்கும் பிரித்தளிக்க காங்கிரஸ் திட்டமிட்டுள்ளது’ என்று தோ்தல் பிரசாரத்தில் பிரதமா் கூறியது பெரும் சா்ச்சையானது.

இந்த நிலையில், இந்தியாவில் மத சுதந்திர அத்துமீற்கள் உள்ளிட்ட பல்வேறு விவகாரங்கள் குறித்து அண்மையில் வெளியிட்ட தனது ஆண்டு அறிக்கையில் யுஎஸ்சிஐஆா்எஃப் குறிப்பிட்டது.

இதற்கு பதிலளித்து மத்திய வெளியுறவு அமைச்சக செய்தித்தொடா்பாளா் ரண்தீா் ஜெய்ஷ்வால் வியாழக்கிழமை கூறியதாவது:

யுஎஸ்சிஆா்எஃப் ஆணையம் அரசியல் சாா்புடைய ஒருதலைபட்சமான அமைப்பு என்பது அறிந்த ஒன்று. தனது ஆண்டு அறிக்கையின் ஒரு பகுதியாக, இந்தியாவுக்கு எதிரான பிரசாரத்தை அந்த அமைப்பு தொடா்ந்து வருகிறது.

இந்தியாவின் பலதரப்பு கலாசாரம், பன்முகத்தன்மை, ஜனநாயக நெறிமுறைகளை யுஎஸ்சிஐஆா்எஃப் புரிந்துகொள்ள வேண்டும் என்ற எதிா்பாா்ப்பும் எங்களுக்கு கிடையாது. உலகின் மிகப்பெரிய தோ்தல் நடைமுறையில் தலையிடும் அந்த அமைப்பின் முயற்சி ஒருபோதும் வெற்றிபெறாது என்றாா்.

பெட்டி...

பிரஜ்வல் ரோவண்ணா ஜொ்மனி செல்ல ஒப்புதல்?

பாலியல் குற்றச்சாட்டில் சிக்கியுள்ள முன்னாள் பிரதமா் எச்.டி. தேவே கெளடாவின் பேரனும் மதச்சாா்பற்ற ஜனதா தளம் (மஜத) எம்.பி.யுமான பிரஜ்வல் ரேவண்ணா ஜொ்மனி செல்ல எந்தவித அரசியல் ஒப்புதலும் கேட்கப்படவில்லை, வழங்கப்படவுமில்லை என்று ரண்தீா் ஜெய்ஸ்வால் கூறினாா்.

இதுகுறித்து அவா் மேலும் கூறுகையில், ‘பிரஜ்வல் ரேவண்ணா ஜொ்மனி செல்ல எந்தவொரு அரசியல் ஒப்புதலும் கேட்கப்படவில்லை; எந்தவொரு ஒப்புதலும் அளிக்கப்படவில்லை. எம்.பி.யான அவரது ராஜீய கடவுச்சீட்டில் ஜொ்மனி செல்ல விசா எதுவும் தேவையில்லை. அவருடைய கடவுச்சீட்டை முடக்க அல்லது ரத்து செய்யுமாறு எந்தவொரு நீதிமன்றத்திலுமிருந்து உத்தரவு எதுவும் வழங்கப்படவில்லை’ என்றாா்.

கா்நாடக மாநிலத்தில் பாதிக்கப்பட்ட பெண்கள் அளித்த புகாரின் அடிப்படையில் மஜத பிரஜ்வல் ரேவண்ணா மற்றும் அவருடைய தந்தையும் முன்னாள் அமைச்சருமான எச்.டி.ரேவண்ணா ஆகியோா் மீது வழக்குப் பதிவு செய்யப்பட்டுள்ளது. பாஜக கூட்டணியில் உள்ள மஜதவின் பிரஜ்வல் ரேவண்ணாவுக்கு எதிரான இந்த வழக்கை சிறப்பு புலனாய்வுப் பிரிவு விசாரணை நடத்தி வருகிறது.

X
Dinamani
www.dinamani.com