ஆந்திரப் பிரதேசத்தில் மண்டலங்களில் வெப்ப அலை வீசும் என மாநிலப் பேரிடர் மேலாண்மை ஆணையம் எச்சரித்துள்ளது.
இதுதொடர்பாக மாநிலப் பேரிடர் வெளியிட்ட தகவலில்,
அக்னி நட்சத்திரம் எனும் கத்தரி வெயில் இன்று(மே 4) முதல் தொடங்கியுள்ள நிலையில், பல்வேறு மாநிலங்களில் வெயில் கொளுத்தி வருகின்றன.
இந்த நிலையில், ஆந்திரத்தில் 227 மண்டலங்களில் வெயில் அதிகரிக்கும் என்றும் அதில் 58 மண்டலங்களில் கடுமையான வெப்ப அலை வீசும் என்றும் தெரிவிக்கப்பட்டுள்ளது.
ஸ்ரீகாகுளம் மாவட்டத்தில் உள்ள 12 மண்டலங்கள், விஜயநகரம் 23, பார்வதிபுரம் மன்யம் 14, விசாகப்பட்டினம் 1, அனகப்பள்ளி எட்டு ஆகிய மாவட்டங்களில் கடுமையான வெப்ப அலைகள் வீசும் என்று கணிக்கப்பட்டுள்ளது.
ஸ்ரீகாகுளம் மாவட்டத்தில் 13 மண்டலங்கள், விஜயநகரம் 3 மற்றும் பார்வதிபுரம் மான்யம், நெல்லூர், ஸ்ரீ சத்யசாய், மேற்கு கோதாவரி மற்றும் அன்னமய்யாவில் தலா ஒரு மண்டலங்களில் வெப்ப அலை வீசும் எனக் கணிக்கப்பட்டுள்ளன.
இதேபோல், அல்லூரி சீதாராமராஜு மற்றும் கிருஷ்ணா தலா 9, விசாகப்பட்டினம் 2, அனகாபள்ளி 10 கோனசீமா மற்றும் திருப்பதி தலா 5, காக்கிநாடா 17, கிழக்கு கோதாவரி 4, எலுரு 11, என்டிஆர் 6, குண்டூர் 14, பலநாடு 22 ஆகிய இடங்களில் வெப்ப அலைகள் காணப்படும்.
பாபட்லா மாவட்டத்தில் உள்ள பிரகாசம் 14, கடப்பா 4, திருப்பதி ஐந்து ஆகிய மூன்று மண்டலங்களுக்கும் வெப்ப அலைகள் இருக்கும் என்று கணிக்கப்பட்டுள்ளது.
வெள்ளிக்கிழமை, நந்தியாலா மாவட்டத்தில் உள்ள கோஸ்பாடு மற்றும் பாண்டி ஆத்மகுருவில் அதிகபட்ச வெப்பநிலை 47 ஆக இருந்தது என்பது குறிப்பிடத்தக்கது.