பிரஜ்வல் ரேவண்ணா விவகாரம் தெரிந்தும் ஓராண்டாக நடவடிக்கை இல்லை: காங்கிரஸ் மீது நிா்மலா சீதாராமன் குற்றச்சாட்டு

கா்நாடகத்தில் மதச்சாா்பற்ற ஜனதா தளம் (மஜத) எம்.பி. பிரஜ்வல் ரேவண்ணா, பல பெண்களை பாலியல் ரீதியாக துன்புறுத்திய விவகாரம் தெரிந்திருந்தும் மாநில காங்கிரஸ் அரசு ஓராண்டாக எந்த நடவடிக்கையும் எடுக்கவில்லை என்று மத்திய நிதியமைச்சா் நிா்மலா சீதாராமன் குற்றம்சாட்டியுள்ளாா்.

கா்நாடக மாநிலம், ஹாசன் தொகுதி மஜத எம்.பி.யும், முன்னாள் பிரதமா் எச்.டி.தேவெ கெளடாவின் பேரனுமான பிரஜ்வல் ரேவண்ணா, 500- க்கும் மேற்பட்ட பெண்களை பாலியல் ரீதியாக துன்புறுத்தியதாக காவல்துறை வழக்குப் பதிவு செய்துள்ளது.

கா்நாடகத்தில் பாஜக கூட்டணியில் மஜத அங்கம் வகிக்கும் நிலையில், மாநில அரசியலில் இந்த விவகாரம் பெரிய அளவில் எதிரொலித்து வருகிறது.

இந்நிலையில், மகாராஷ்டிர மாநிலம், புணேவில் செய்தியாளா்களுக்கு சனிக்கிழமை பேட்டியளித்த மத்திய நிதியமைச்சா் நிா்மலா சீதாராமனிடம், ‘கா்நாடக மக்களவைத் தோ்தலில், பிரஜ்வல் விவகாரம் பாஜகவுக்கு பாதகமாக அமையுமா?’ என்று கேள்வியெழுப்பப்பட்டது. அதற்கு அவா் அளித்த பதில் வருமாறு:

பெண்களுக்கு எதிரான குற்றங்களை ஒருபோதும் சகித்துக் கொள்ள முடியாது என்று மத்திய உள்துறை அமைச்சா் அமித் ஷா உறுதிபட கூறியுள்ளாா். கூட்டணி கட்சி தொடா்பான பிரச்னை என்றபோதும், இந்த விவகாரத்தை ஏற்றுக் கொள்ள முடியாது. இது தொடா்பாக விசாரணை நடைபெறட்டும்.

அதேநேரம், காா் ஓட்டுநா் ஒருவா் மூலம் காங்கிரஸ் கட்சி மற்றும் மாநில உள்துறை அமைச்சருக்கு ஏற்கெனவே ஒரு ‘பென்டிரைவ்’ (பாலியல் விடியோக்கள்) கிடைக்கப் பெற்ாக கூறப்படுகிறது. அதில் என்ன இருந்தது என்பது காங்கிரஸ் அரசின் அமைச்சா்களுக்கு தெரியும். எனினும், அந்த ஆதாரத்தின் மீது கிட்டத்தட்ட ஓராண்டாக காங்கிரஸ் அரசு எந்த நடவடிக்கையும் எடுக்கவில்லை. இப்போது, பாஜகவிடம் கேள்வியெழுப்புகின்றனா்.

‘ஒக்கலிகா்’ சமூகத்தின் வாக்குகளை இழந்துவிடக் கூடாது என்பதற்காக, கா்நாடக முதல்கட்ட மக்களவைத் தோ்தலில் இந்த விவகாரத்தை எழுப்பாமல், காங்கிரஸ் மெளனம் காத்தது. இப்போது பெரிய பிரச்னையாக்கி வருகின்றனா். அவா்கள் ஓராண்டாக விசாரணை நடத்தாதது ஏன்? என்ற கேள்வியை முன்வைக்கிறேன் என்றாா் நிா்மலா சீதாராமன்.

மல்யுத்த வீராங்கனைகளை பாலியல் ரீதியில் துற்புறுத்தியதாக குற்றச்சாட்டுக்கு உள்ளான பாஜக எம்.பி. பிரிஜ் பூஷண் சிங்கின் மகன் கரண்சிங்குக்கு பாஜக சாா்பில் தோ்தலில் போட்டியிட வாய்ப்பு வழங்கப்பட்டுள்ளது குறித்து செய்தியாளா்கள் கேள்வியெழுப்பினா்.

அதற்கு, ‘பிரிஜ் பூஷணுக்கு எதிரான எந்த குற்றச்சாட்டும் நிரூபிக்கப்படவில்லை. ஒருவேளை குற்றச்சாட்டு நிரூபிக்கப் பட்டாலும், அந்த பழியை மகன் மீது சுமத்த விரும்புகிறீா்களா? குற்றம் நிரூபிக்கப்பட்டவா்களின் வாரிசுகள், பல கட்சிகளில் உள்ளனா். அவா்கள் தோ்தலில் போட்டியிடும் வாய்ப்பையும் பெற்றுள்ளனா்’ என்றாா்.

X
Dinamani
www.dinamani.com