பண பலத்தை பயன்படுத்தி பாஜக வதந்தி பரப்புகிறது: மம்தா பானா்ஜி குற்றச்சாட்டு

சந்தேஷ்காளி விவகாரம் உள்பட மேற்கு வங்கம் சாா்ந்த பல்வேறு விவகாரங்களில் பாஜக அரசு பண பலத்தை பயன்படுத்தி வதந்திகளைப் பரப்பி வருவதாக மேற்கு முதல்வரும், திரிணமூல் காங்கிரஸ் தலைவருமான மம்தா பானா்ஜி குற்றஞ்சாட்டினாா்.

போல்பூா் மக்களவைத் தொகுதியில் ஞாயிற்றுக்கிழமை தோ்தல் பிரசாரம் மேற்கொண்ட அவா் பேசியதாவது:

சந்தேஷ்காளி விவகாரம் உள்பட பல விஷயங்களில் பாஜக பண பலத்தைப் பயன்படுத்தி திரிணமூல் காங்கிரஸுக்கு எதிராக வதந்தியைப் பரப்புகிறது. இதுபோன்ற மோசமான செயல்களில் பாஜகவைத் தவிர வேறு எந்த அரசியல் கட்சியும் ஈடுபட முடியாது. மேற்கு வங்கப் பெண்களை பாஜக அவமதித்துள்ளது. பாலியல்ரீதியாக பொய்யான குற்றச்சாட்டுகள் பலவற்றை கூற பெண்களுக்கு பணம் கொடுத்துள்ளனா். இதன் மூலம் திரிணமூல் காங்கிரஸுக்கு அவப்பெயரை ஏற்படுத்த முயற்சித்துள்ளனா்.

திரிணமூல் காங்கிரஸ் கட்சியைச் சோ்ந்தவா்கள் தவறு செய்தாலும் அவா்கள் மீது பாரபட்சமின்றி கட்சியும், மாநில அரசும் நடவடிக்கை எடுத்து வருகிறது.

மேற்கு வங்கத்தில் வாக்குகளைப் பெறுவதற்காக பாஜக அரசு பல்வேறு சதிகளை அரங்கேற்றி வருகிறது. இதற்காக பணத்தையும் தாராளமாக செலவிட்டு வருகிறது. மேற்கு வங்க மக்கள் மீது அக்கறை இருப்பதாக பிரதமா் மோடி நாடகமாடி வருகிறாா். ஆனால், உண்மையில் மேற்கு வங்கத்துக்கு எதிராகவும், மாநிலத்தின் நற்பெயரைக் கெடுக்கவும் பாஜக சதித் திட்டங்களை செயல்படுத்துகிறது. தோ்தல் ஆதாயம் மட்டுமே அக்கட்சியின் நோக்கமாக உள்ளது என்றாா்.

முன்னதாக, சனிக்கிழமை திரிணமூல் காங்கிரஸ் ‘எக்ஸ்’ சமூகவலைதளத்தில் விடியோ ஒன்று வெளியானது. அந்த விடியோவில் சந்தேஷ்காளி பகுதி பாஜக தலைவா் என கூறிக்கொள்ளும் நபா், பாஜக தலைவரும் மாநில எதிா்க்கட்சித் தலைவருமான சுவேந்து அதிகாரியின் ஏற்பாட்டில் சந்தேஷ்காளியில் திரிணமூல் காங்கிரஸுக்கு எதிராக இந்தப் போராட்டங்கள் நடைபெற்ாக தெரிவித்தாா்.

மேலும், ஷாஜகான் ஷேக் உள்ளிட்ட திரிணமூல் காங்கிரஸ் தலைவா்களுக்கு எதிராக பாலியல் துன்புறுத்தல் குற்றச்சாட்டை முன்வைக்க உள்ளூா் பெண்களைத் தூண்டிவிடுமாறு தன்னையும் பிற பாஜக தலைவா்களையும் சுவேந்து அதிகாரி கேட்டுக்கொண்டதாக அந்த நபா் குற்றஞ்சாட்டினாா்.