தோ்தல் பிரசாரத்தில் சிறுமி: பிடிபி தலைவா் மெஹபூபா முஃப்திக்கு நோட்டீஸ்

மக்களவைத் தோ்தல் பிரசாரத்தில் சிறுமியை ஈடுபடுத்தியது தொடா்பாக மக்கள் ஜனநாயக கட்சி (பிடிபி) தலைவா் மெஹபூபா முஃப்திக்கு நோட்டீஸ் அனுப்பப்பட்டுள்ளது.

மக்களவைத் தோ்தலின் 6-ஆம் கட்டம் மே 25-ஆம் தேதி நடைபெற உள்ளது. அன்றைய தினம் ஜம்மு-காஷ்மீரின் அனந்தநாக் தொகுதியிலும் வாக்குப் பதிவு நடைபெற உள்ளது. அந்தத் தொகுதியில் மெஹபூபா முஃப்தி போட்டியிடுகிறாா்.

இந்நிலையில், கடந்த மே 1-ஆம் தேதி அனந்தநாக் தொகுதிக்குள்பட்ட ரஜெளரி மாவட்டம் ஷாதரா ஷரீஃப் பகுதியில் மெஹபூபா பிரசாரம் மேற்கொண்டாா். அப்போது அவா் வாக்கு சேகரிப்பில் சிறுமியை ஈடுபடுத்தியாகக் கூறப்படுகிறது. அதுதொடா்பான காணொலி சமூக ஊடகத்தில் வெளியானது.

தோ்தல் பிரசாரங்களில் சிறாா்களைப் பயன்படுத்தக் கூடாது என்று தோ்தல் ஆணையம் ஏற்கெனவே அறிவுறுத்தியிருந்தது. இந்நிலையில், பிரசாரத்தில் சிறுமியை ஈடுபடுத்தியது தொடா்பாக விளக்கம் அளிக்கக் கோரி, மெஹபூபாவுக்கு மாவட்ட கூடுதல் ஆட்சியரும், தோ்தல் அதிகாரியுமான ராஜீவ் குமாா் நோட்டீஸ் அனுப்பியுள்ளாா்.

அந்த நோட்டீஸில் தோ்தல் ஆணையம் மற்றும் தேசிய குழந்தை உரிமைகள் பாதுகாப்பு ஆணையம் ஆகியவற்றின் வழிகாட்டுதல்கள் சுட்டிக்காட்டப்பட்டுள்ளது. தோ்தல் நடத்தை விதிமுறைகளை மீறியதற்காக அவா் மீது ஏன் நடவடிக்கை மேற்கொள்ளக் கூடாது என்று கேள்வி எழுப்பி, 24 மணி நேரத்துக்குள் பதிலளிக்குமாறு நோட்டீஸில் அறிவுறுத்தப்பட்டுள்ளது.

ஒருவேளை மெஹபூபா பதிலளிக்க தவறினால், நடப்பு மக்களவைத் தோ்தலில் ரஜெளரியில் தோ்தல் பிரசாரங்கள் மற்றும் கூட்டங்களில் பங்கேற்க அவருக்குத் தடை விதிக்கப்படும் என்று நோட்டீஸில் எச்சரிக்கப்பட்டுள்ளது.