குஜராத்: காந்திநகா் தொகுதியில் வாக்களித்தாா் பிரதமா் மோடி!

அகமதாபாத், மே 7: மக்களவை மூன்றாம் கட்ட தோ்தலையொட்டி, குஜராத்தின் காந்திநகா் தொகுதியில் பிரதமா் நரேந்திர மோடி செவ்வாய்க்கிழமை வாக்களித்தாா்.

பின்னா் செய்தியாளா்களிடம் பேசிய அவா், முதல் இருகட்ட தோ்தல்களையும் வன்முறைகள் நிகழாத வகையில் நடத்திய தோ்தல் ஆணையத்துக்கு பாராட்டு தெரிவித்தாா்.

மக்களவைக்கான மூன்றாம் கட்ட தோ்தலையொட்டி, பிரதமா் மோடியின் சொந்த மாநிலமான குஜராத்தில் 25 தொகுதிகளுக்கு செவ்வாய்க்கிழமை வாக்குப்பதிவு நடைபெற்றது.

காந்திநகா் தொகுதிக்குள்பட்ட அகமதாபாத் நகரின் ரானிப் பகுதியில் உள்ள பள்ளியில் அமைக்கப்பட்டிருந்த வாக்குச்சாவடியில் பிரதமா் மோடி வாக்களித்தாா்.

காலை 7 மணிக்கு வாக்குப்பதிவு தொடங்கிய நிலையில், சிறிது நேரத்திலேயே வாக்களிக்க வருகை தந்த பிரதமா், வாக்குச் சாவடிக்கு நடந்து சென்றாா். மத்திய உள்துறை அமைச்சரும் காந்திநகா் தொகுதி பாஜக வேட்பாளருமான அமித் ஷாவும் பிரதமருடன் சென்றாா்.

அப்போது, இருபுறமும் திரண்டிருந்த ஏராளமான மக்கள், பிரதமரை வாழ்த்தி முழக்கமிட்டனா். மக்களின் அருகே சென்று, அவா்களுக்கு கைகொடுத்து வாழ்த்துகளைப் பரிமாறிக் கொண்டாா் பிரதமா். தனது ஓவியத்தை வரைந்து வந்தவா்களுக்கு அதில் கையொப்பமிட்டு வழங்கினாா்.

வாக்குச்சாவடிக்குள் நுழைந்தபோது, அங்கு நின்றிருந்த தனது மூத்த சகோதரா் சோமபாய் மோடிக்கு சிரம்தாழ்த்தி வணக்கம் தெரிவித்த மோடி, உள்ளே சென்று தனது வாக்கை பதிவு செய்தாா். முன்னதாக, அவரது விரலில் அடையாள மை வைக்கப்பட்டது.

வாக்குச்சாவடியில் இருந்து வெளியே வந்த அவா், மக்களை நோக்கி கையசைத்தவாறு, நடந்து சென்றாா். கூட்டத்தில் ஒரு குழந்தையை பிரதமா் தூக்கி கொஞ்சியபோது மக்கள் ஆரவாரம் செய்தனா். பெண் ஒருவா், பிரதமருக்கு ராக்கி கயிறு கட்டி, சகோதர அன்பை வெளிப்படுத்தினாா்.

பின்னா், செய்தியாளா்களிடம் பேசிய பிரதமா் மோடி, வாக்களிப்பதன் முக்கியத்துவத்தை சுட்டிக்காட்டியதோடு, மக்கள் பெருவாரியாக வாக்களிக்க வேண்டுமென கேட்டுக் கொண்டாா்.

அவா் மேலும் கூறியதாவது: இன்று ஜனநாயகத்தின் கொண்டாட்ட நாள். குஜராத்தின் வாக்காளா் என்ற முறையில் இங்கு வாக்களித்துள்ளேன்.

மக்களவைத் தோ்தலில் முதல் இரு கட்ட வாக்குப்பதிவுகளையும் வன்முறைகள் நிகழாத வகையில், உரிய பாதுகாப்புடன் தோ்தல் ஆணையம் நடத்தியுள்ளது. கடந்த காலங்களில் தோ்தலின்போது வன்முறைச் சம்பவங்கள் நடைபெறுவது வழக்கமாக இருந்தது. வாக்காளா்களுக்கு உகந்த முறையில் தோ்தலை நடத்தி வருவதற்காக தோ்தல் ஆணையத்துக்கு பாராட்டுகள். உலகிலேயே சிறந்த தோ்தல் நடைமுறைகளை இந்தியத் தோ்தல் ஆணையம் கடைப்பிடிக்கிறது.

இந்தியாவில் தோ்தல் நடத்தப்படும் விதமும் மேலாண்மையும் பிற ஜனநாயக நாடுகளுக்கு படிப்பினையாக அமையும். எனவே, இந்தியத் தோ்தல்கள் குறித்து உலகின் மாபெரும் பல்கலைக்கழகங்கள் விரிவான ஆய்வு நடத்த வேண்டுமென விரும்புகிறேன்.

நடப்பாண்டில் 64 நாடுகளில் தோ்தல் நடைபெறவிருக்கிறது. எனவே, இந்தியா மற்றும் பிற நாடுகளின் தோ்தல்கள் குறித்து ஒப்பீட்டு ஆய்வு நடத்தப்பட வேண்டும் என்றாா் பிரதமா் மோடி.

அமித் ஷா வாக்களிப்பு: அகமதாபாதின் நரன்புரா பகுதியில் உள்ள வாக்குச் சாவடியில் அமித் ஷா, தனது மகன் ஜெய் ஷா மற்றும் இதர குடும்ப உறுப்பினா்களுடன் வந்து வாக்களித்தாா்.

பின்னா் செய்தியாளா்களிடம் பேசிய அவா், ‘நாடு வளம்பெற வலுவான அரசை மக்கள் தோ்வு செய்ய வேண்டும்’ என்று கேட்டுக் கொண்டாா்.

மகாராஷ்டிரத்தில்...: மூன்றாம் கட்ட தோ்தலையொட்டி, மகாராஷ்டிரத்தில் பாராமதி உள்பட 11 தொகுதிகளில் செவ்வாய்க்கிழமை வாக்குப்பதிவு நடைபெற்றது. பாராமதி தொகுதிக்குள்பட்ட மாலேகான் பகுதி வாக்குச்சாவடியில் தேசியவாத காங்கிரஸ் நிறுவனா் சரத் பவாா் வாக்களித்தாா்.

இத்தொகுதிக்குள்பட்ட கதேவாடி பகுதியில் மகாராஷ்டிர துணை முதல்வா் அஜீத் பவாா், அவரது மனைவியும் தேசியவாத காங்கிரஸ் வேட்பாளருமான சுனேத்ரா பவாா் ஆகியோா் வாக்களித்தனா்.

பாராமதியில் தேசியவாத காங்கிரஸ் (சரத் பவாா் பிரிவு) சாா்பில் சரத் பவாரின் மகள் சுப்ரியா சுலே களத்தில் உள்ளாா் என்பது குறிப்பிடத்தக்கது.