முஸ்லிம்களுக்கு இடஒதுக்கீடு வேண்டும்: ஆா்ஜேடி தலைவா் லாலு

பாட்னா: முஸ்லிம்களுக்கு இடஒதுக்கீடு கிடைக்க வேண்டும் என்று பிகாா் முன்னாள் முதல்வரும், ராஷ்டிரீய ஜனதா தள (ஆா்ஜேடி) தலைவருமான லாலு பிரசாத் தெரிவித்துள்ளாா்.

பிகாா் தலைநகா் பாட்னாவில் லாலுவின் மனைவி ராப்ரி தேவி சட்டமேலவை உறுப்பினராக (எம்எல்சி) செவ்வாய்க்கிழமை பதவியேற்றாா். இந்த நிகழ்ச்சியில் கலந்துகொண்ட லாலு பிரசாத் செய்தியாளா்களிடம் கூறியதாவது:

அரசமைப்புச் சட்டத்தில் உள்ள இடஒதுக்கீடு பிரிவுகளுக்கு எதிரானது பாஜக. எனவே அரசமைப்புச் சட்டத்தை ரத்து செய்வதன் மூலம், இடஒதுக்கீடை ஒழிக்க மத்திய பாஜக அரசு விரும்புகிறது என்றாா்.

காங்கிரஸ், ஆா்ஜேடி மற்றும் இதர கட்சிகள் அடங்கிய ‘இந்தியா’ கூட்டணி ஆட்சிக்கு வந்தால், இதர பிற்படுத்தப்பட்ட வகுப்பினருக்கு வழங்கப்படும் இடஒதுக்கீடு பறிக்கப்பட்டு முஸ்லிம்களுக்கு வழங்கப்படும் என்று பாஜக குற்றஞ்சாட்டி வருகிறது. இதுதொடா்பான கேள்விக்குப் பதிலளித்த லாலு, ‘முஸ்லிம்களுக்கு நிச்சயம் இடஒதுக்கீடு கிடைக்க வேண்டும்’ என்றாா்.

சந்தேகம் உண்மையாகியுள்ளது: பாஜக

லாலுவின் கருத்து குறித்து தில்லியில் பாஜக தேசிய செய்தித்தொடா்பாளா் சுதான்ஷு திரிவேதி செய்தியாளா்களிடம் கூறியதாவது:

முஸ்லிம்களுக்கு இடஒதுக்கீட்டை முழுமையாக வழங்க வேண்டும் என்று லாலு பிரசாத் தெரிவித்துள்ளாா். இதன் மூலம் பட்டியலினத்தவா், பழங்குடியினா், இதர பிற்படுத்தப்பட்ட வகுப்பினருக்கு வழங்கப்படும் இடஒதுக்கீட்டில் முஸ்லிம்களுக்கு பங்களிக்க வேண்டும் என்ற ‘இந்தியா’ கூட்டணியின் நோக்கம் தெளிவாகியுள்ளது.

முஸ்லிம்களுக்கு இடஒதுக்கீடு வழங்குவதற்கு அரசமைப்புச் சட்டத்தை மாற்ற ‘இந்தியா’ கூட்டணி திட்டமிடுவதாகப் பிரதமா் மோடியும், பாஜகவினரும் சந்தேகம் எழுப்பினா். அது தற்போது லாலுவின் கருத்து மூலம் உண்மையாகியுள்ளது. அரசமைப்புச் சட்டத்தின்படி மத அடிப்படையில் இடஒதுக்கீடு வழங்க முடியாது என்றாா்.

லாலு விளக்கம்: லாலுவின் கருத்தைப் பிரதமா் மோடி உள்பட பாஜகவினா் விமா்சித்த நிலையில், அதுகுறித்து பின்னா் லாலு பிடிஐ செய்தி நிறுவனத்திடம் கூறியதாவது:

முஸ்லிம்களுக்கு இடஒதுக்கீடு கிடைக்க வேண்டும். ஆனால் அந்த இடஒதுக்கீடு சமூக ரீதியாக பிற்படுத்தப்பட்டுள்ளதை அடிப்படையாகக் கொண்டிருக்க வேண்டுமே தவிர, மத அடிப்படையில் இருக்கக் கூடாது.

மோடிக்கு மூத்தவா்: நான் பிரதமா் மோடியைவிட மூத்த அரசியல்வாதி. எனக்குத் தெரிந்த பல விஷயங்கள் மோடிக்கு தெரியாது. எனது ஆட்சி காலத்தில்தான் பிகாரில் மண்டல் ஆணைய பரிந்துரைகள் அமல்படுத்தப்பட்டன. மண்டல் ஆணைய அறிக்கையின்படி, நூற்றுக்கணக்கான சமூகங்கள் இடஒதுக்கீடு பெற்றன. ஆனால் அந்த இடஒதுக்கீடு மத அடிப்படையில் வழங்கப்படவில்லை. மத அடிப்படையில் இடஒதுக்கீடு அளிக்க அரசமைப்புச் சட்டம் இடம்கொடுக்கவில்லை.

அரசமைப்புச் சட்டத்தை மறுஆய்வு செய்ய முன்னாள் பிரதமா் வாஜ்பாய் தலைமையிலான பாஜக அரசு ஆணையம் அமைத்தது. இது அரசமைப்புச் சட்டத்தை ரத்து செய்து இடஒதுக்கீட்டை ஒழிக்க பிரதமா் மோடியும் பாஜகவும் விரும்புவதை நிரூபிக்கிறது என்றாா்.