தில்லியில் கேரள முதல்வர் பினராயி விஜயனுடன் ராகுல் காந்தி திடீர் சந்திப்பு 

புதுதில்லி: தில்லியில் கேரள முதல்வர் பினராயி விஜயனுடன் வயநாடு தொகுதி எம்.பி.யும், காங்கிரஸ் தலைவர்களில் ஒருவருமான ராகுல் காந்தி சந்தித்து பேசி வருகிறார். 
 
தில்லியில் உள்ள கொச்சின் மாளிகையில் கேரள முதல்வர் பினராயி விஜயனை சந்தித்து பேசிவரும் ராகுல், இரவு என்எச்-766 சாலையில் போக்குவரத்து தடை மற்றும் மாற்று பாதைகள், கேரளாவில் ஏற்பட்ட வெள்ள பாதிப்பு சீரமைப்பு, நிவாரணம் உள்ளிட்டவை குறித்து விஜயனுடன் ஆலோசித்து வருகிறார்.