Enable Javscript for better performance
Kashmir is Pakistan's jugular vein: Prime Minister Imran Khan- Dinamani

சுடச்சுட

    

    காஷ்மீர் பாகிஸ்தானின் ரத்த நரம்பு: பிரதமர் இம்ரான் கான் அதிரடி ஆவேச பேச்சு

    By DIN  |   Published on : 06th September 2019 08:39 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    pakistan pm Imran Khan speech


    இஸ்லாமாபாத்: காஷ்மீர் பாகிஸ்தானின் "ரத்த நரம்பு" மற்றும் அதன் சிறப்பு அந்தஸ்தை மாற்றுவதற்கான இந்தியாவின் முடிவு பாகிஸ்தானின் பாதுகாப்புக்கும், நோ்மைக்கும் சவால் விடுத்துள்ளது என்று பிரதமர் இம்ரான் கான் தெரிவித்துள்ளார்,

    இந்தியாவுடன் கடந்த 1965-ஆம் ஆண்டு நடைபெற்ற போரில் உயிரிழந்த பாகிஸ்தான் வீரா்களின் நினைவாக அந்நாடு ஒவ்வொரு ஆண்டும் செப்டம்பா் 6-ஆம் தேதியை ‘பாதுகாப்பு மற்றும் தியாகிகள் தின’மாக அனுசரித்து வருகிறது. அந்த வகையில் பாகிஸ்தான் மக்களுக்கு இன்று வெள்ளிக்கிழமை ஆற்றிய உரையில் பாகிஸ்தான் பிரதமர் இம்ரான் கான் இம்ரான் கான் பேசிசுகையில், 

    கடந்த ஆகஸ்ட் 5 ஆம் தேதி ஜம்மு-காஷ்மீா் மாநிலத்துக்கான சிறப்பு அந்தஸ்தை அளிக்கும் 370-வது சட்டப்பிரிவை நீக்கிய பிறகு காஷ்மீரில் நிலவும் சூழல் குறித்து உலக நாடுகளிலும், ஐ.நா.விலும் ராஜதந்திரமாக பாகிஸ்தான் தூதரக ரீதியாக எடுத்துரைத்து வருகிறது. ஜம்மு-காஷ்மீா் பாகிஸ்தானின் "ரத்த நரம்பு" பகுதியாகும். அதில் மாற்றங்கள் செய்வதென்பது, பாகிஸ்தானின் பாதுகாப்புக்கும், நோ்மைக்கும் விடப்பட்டிருக்கும் சவாலாகும்.

    இந்தியாவின் அணு ஆயுதக் கையிருப்பு குறித்து சா்வதேச சமூகம் தீவிரமாக கருத்தில் கொள்ள வேண்டும் என வலியுறுத்தியுள்ளேன். 

    மேலும் இந்தியாவின் அணு ஆயுதங்கள் குறித்து கவனிக்க மறுத்தால், அதன் பிறகு ஏற்படும் பேரழிவுக்கு இந்த உலக சமுதாயமே பொறுப்பாக வேண்டியிருக்கும்.

     பாகிஸ்தான் போரை விரும்பவில்லை என்பதை இந்த உலகுக்கு தெளிவாகத் தெரிவித்திருக்கிறேன். அதேவேளையில் பாகிஸ்தானின் பாதுகாப்புக்கு சவால் விடும் நடவடிக்கைகள் மேற்கொள்ளப்பட்டால் நாங்கள் அமைதியாக இருக்க மாட்டோம் என்று இம்ரான் கான் ஆவேசமாக பேசினார்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai