விழுப்புரம் மாவட்ட ஆட்சியர் அலுவலகத்தில், மாணவர்களுக்கு காமராஜர் விருதினையும், அரசு நிதி உதவிகளையும் அமைச்சர் சிவி சண்முகம் வழங்கினார்.
விழுப்புரம் மாவட்ட ஆட்சியரகத்தில் நடந்த நிகழ்ச்சியில், விழுப்புரம் மாவட்டத்தில் 2018-19ம் கல்வியாண்டில் 10 மற்றும் 12ம் வகுப்பு பயின்று தேர்ச்சி பெற்ற மாணவ, மாணவிகளுக்கு விருது மற்றும் ஊக்கத்தொகைக்கான காசோலை வழங்கப்பட்டது.
மேலும், அரசு மற்றும் அரசு உதவி பெறும் பள்ளிகளில் 10-ம் வகுப்பு மற்றும் 12-ம் வகுப்பு மாணவ, மாணவிகள் தமிழ் வழியில் பயின்று தேர்ச்சி பெற்ற சிறந்த மாணக்கர்களுக்கு, பெருந்தலைவர் காமராஜர் விருதுகளை அமைச்சர் சி.வி.சண்முகம் வழங்கினார்.
காமராஜர் விருது மற்றும் காசோலைகள் (10-ம் வகுப்பு மாணவர்களுக்கு தலா ரூ.10,000, 12-ம் வகுப்பு மாணவர்களுக்கு தலா ரூ.20,000 என மொத்தம் 18 மாணவர்களுக்கு வழங்கப்பட்ட து.
இந்நிகழ்ச்சியில் மாவட்ட ஆட்சியர் அண்ணாதுரை, காவல் கண்காணிப்பாளர் ராதாகிருஷ்ணன், சட்டமன்ற உறுப்பினர் முத்தமிழ்ச் செல்வன், மாவட்ட முதன்மைக் கல்வி அலுவலர் முனுசாமி ஆகியோர் கலந்துகொண்டனர்.