மும்பை: அயோத்தியில் ராமர் கோயில் பூமிபூஜை நிகழ்ச்சியின் எதிரொலியாக மகாராஷ்டிர முன்னாள் முதல்வர் தேவேந்திர பட்னாவிஸ் பக்தி பாடலை பாடி மகிழ்ச்சியை வெளிப்படுத்தினார். ராமர் கோயில் பூமிபூஜையையொட்டி மும்பையில் உள்ள பாஜக அலுவலகம் முன்பு நடைபெற்ற நிகழ்ச்சியில் கலந்துகொண்ட அவர், பாடலை பாடினார்.
ராமர் கோயில் கட்டுமான பணிகளுக்காக அயோத்தியில் இன்று (புதன் கிழமை) நடைபெற்ற பூமிபூஜையையொட்டி மும்பையில் உள்ள பாஜக அலுவலகம் பூக்கள் மற்றும் விளக்குகளால் அலங்கரிக்கப்பட்டது.
பூமிபூஜையையொட்டி ஏற்பாடு செய்யப்பட்டிருந்த நிகழ்ச்சியில் சமூக இடைவெளியை கடைபிடித்து பாஜக தொண்டர்கள் கலந்துகொண்டு ராமர் படத்தை வணங்கி கலை நிகழ்ச்சிகளை நடத்தினர். இதில் முன்னாள் முதலமைச்சர் தேவேந்திர பட்னாவிஸ் கலந்துகொண்டு பக்தி பாடலை பாடி மகிழ்ச்சியை வெளிப்படுத்தினார்.