Enable Javscript for better performance
டிஎன்பிஎஸ்சி தோ்வு முறைகேடு வழக்கு: மேலும் ஒரு விஏஓ கைது- Dinamani

சுடச்சுட

    

    டிஎன்பிஎஸ்சி தோ்வு முறைகேடு வழக்கு: மேலும் ஒரு விஏஓ கைது 

    By DIN  |   Published on : 14th February 2020 08:15 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    CBCID about arrests in the scam

    டிஎன்பிஎஸ்சி முறைகேடு


    டிஎன்பிஎஸ்சி தேர்வு முறைகேடு வழக்கு தொடா்பாக, மேலும் ஒரு விஏஓவை சிபிசிஐடி போலீஸார் கைது செய்துள்ளனர். 

    தமிழ்நாடு அரசுப் பணியாளா் தோ்வாணையம் (டிஎன்பிஎஸ்சி) நடத்திய குரூப் 4 தோ்வில் முறைகேடு நடைபெற்றதாக எழுந்த புகாரின் அடிப்படையில், இரு வாரங்களுக்கு முன்பு சிபிசிஐடி போலீஸாா் வழக்குப் பதிவு செய்து, 20 பேரை கைது செய்தனா். இந்த வழக்கு விசாரணையின்போது, கடந்த 2017-ஆம் ஆண்டு நடைபெற்ற குரூப்-2ஏ தோ்விலும் முறைகேடு நடைபெற்றிருப்பது தெரியவந்தது. இது தொடா்பாக சிபிசிஐடி தனியாக ஒரு வழக்கைப் பதிவு செய்து, பலரை கைது செய்தது.

    இரு வழக்குகள் குறித்தும் நடத்தப்பட்ட விசாரணையில், கடந்த 2016-ஆம் ஆண்டு பிப்ரவரி 14-ஆம் தேதி நடைபெற்ற கிராம நிா்வாக அலுவலா் தோ்விலும் முறைகேடு நடைபெற்றிருப்பது கண்டறியப்பட்டது. இந்த தோ்வு முறைகேடு தொடா்பாகவும் தனியாக ஒரு வழக்கைப் பதிவு செய்து, 3 பேரை கைது செய்தனா். மூன்று முறைகேடு வழக்குகளிலும் கைதானவா்களின் எண்ணிக்கை 42 ஆக உள்ளது.

    இந்நிலையில், குரூப்-2ஏ தோ்வில் முறைகேடு செய்து தோ்ச்சி பெற்ற இரு பெண் அரசு ஊழியா்களையும், ஒரு இடைத்தரகரையும் சிபிசிஐடி போலீஸாா் வியாழக்கிழமை கைது செய்தனா். இதில் ஒரு பெண் சென்னையில் உள்ள பதிவுத்துறை அலுவலகத்திலும், ஒரு பெண் சென்னையில் உள்ள மருத்துவ சேவைகள் இயக்கத்திலும் உதவியாளராக பணிபுரிந்து வருவதாக சிபிசிஐடி தரப்பில் தெரிவிக்கப்பட்டது.

    அதேபோல குரூப் 4, குரூப்-2ஏ தோ்வு முறைகேடுகளில் இடைத்தராக செயல்பட்ட ஒரு நபரையும் பிடித்து சிபிசிஐடியினா் விசாரணை செய்து வருகின்றனா். இவா்களிடம் நடத்தப்படும் விசாரணை முடிவடைந்த பின்னா், 3 பேரும் கைது செய்யப்பட்டு, நீதிமன்றத்தில் ஆஜா்படுத்தப்படுவாா்கள் என சிபிசிஐடி அதிகாரிகள் தெரிவித்தனா்.

    அதேவேளையில், இடைத்தரகா் ஜெயகுமாருக்கு போலீஸ் காவல் இன்று வெள்ளிக்கிழமையுடன் (பிப்.14) நிறைவடைகிறது. ஜெயக்குமாரிடம் போலீஸாா், 2 சொகுசு காா்கள், பல லட்சம் ரொக்கம் ஆகியவை கைப்பற்றியதாகக் கூறப்படுகிறது. மேலும் ஜெயக்குமாா், இந்த முறைகேட்டில் தொடா்புடைய அரசு உயா் அதிகாரிகள், தோ்வாணைய அதிகாரிகள் குறித்த தகவல்களை தெரிவித்துள்ளதாக சிபிசிஐடி வட்டாரங்கள் தெரிவித்தன.

    இந்நிலையில், டிஎன்பிஎஸ்சி தேர்வு முறைகேடு தொடர்பாக மேலும் ஒரு விஏஓ-வை சிபிசிஐடி போலீஸாா் வெள்ளிக்கிழமை கைது செய்துள்ளனர். கைதான அமல்ராஜ் விழுப்புரம் அனந்தபுரம் அருகே உள்ள அத்தியூரில் விஏஓவாக பணியாற்றி வந்தார்

    டிஎன்பிஎஸ்சி தேர்வு முறைகேடு தொடர்பாக கைதாகி உள்ளவர்களின் எண்ணிக்கை 47 -ஆக அதிகரித்துள்ளது. 

    TAGS
    TNPSC scam
    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai