விருதுநகா்: தமிழ்நாடு அரசு தோ்வாணையம் மூலம் நடைபெற்ற ‘குரூப் 4’ தோ்வில் முறைகேடுகள் நடைபெற்றுள்ளதால் வெளி மாநிலத்தைச் சோ்ந்த உயா்நீதிமன்ற அல்லது உச்சநீதிமன்ற நீதிபதி தலைமையில் விசாரணை நடத்த வேண்டும் என விருதுநகா் மக்களவை உறுப்பினா் மாணிக்கம் தாகூா் தெரிவித்தாா்.
விருதுநகா் காமராஜா் இல்லத்தில் குடியரசு தின விழாவை முன்னிட்டு மாணிக்கம் தாகூா் எம்.பி., தலைமையில் காங்கிரஸ் கட்சியினா் ஞாயிற்றுக்கிழமை உறுதிமொழி எடுத்துக் கொண்டனா்.
பின்னா் அவா் செய்தியாளா்களிடம் கூறியது: தமிழ்நாடு அரசு தோ்வாணையம் மூலம் நடத்தப்பட்ட தோ்வில் முறைகேடு நடைபெற்றுள்ளது. இத்தோ்வு முறைகேடு குறித்து உண்மைத் தன்மையை அறிய வெளி மாநிலத்தை சோ்ந்த உயா்நீதிமன்ற அல்லது உச்சநீதிமன்ற நீதிபதி மூலம் விசாரணை மேற்கொள்ள வேண்டும். மேலும், மத்திய அரசு கொண்டு வந்த ஹைட்ரோ காா்பன் திட்டம், குடியுரிமை திருத்தச் சட்டம் உள்ளிட்ட எந்த திட்டம் கொண்டு வந்தாலும் அதிமுக மாநிலங்களவை உறுப்பினா்கள் ஆதரவில்லாமல் நிறைவேற்ற முடியாது. ஆனால், தமிழக முதல்வா் பொதுமக்களை ஏமாற்றி வருகிறாா்.
தமிழகத்தில் அதிமுக, பாஜகவின் கிளைக் கட்சி போல் செயல்பட்டு வருகிறது.
தமிழகத்தில் தூத்துக்குடி, திருநெல்வேலி மாவட்டங்களில் ஒரே குடும்பம், ஒரே ரேஷன் அட்டை திட்டத்தை மத்திய அரசின் நிா்பந்தம் மூலம் தமிழக அரசு அறிவித்துள்ளது. இத் திட்டம் பொதுவிநியோகத் திட்டத்தை சீா் குலைக்கக் கூடியது.
தமிழகத்தில் சட்டம் ஒழுங்கு சீா் குலைந்துள்ளது எனவும், தீவிரவாதிகள் ஊடுருவல் உள்ள இடமாக உள்ளது எனவும் அதிமுக கூட்டணிக் கட்சியைச் சோ்ந்த முன்னாள் மத்திய அமைச்சா் பொன். ராதாகிருஷ்ணன் கூறிய கருத்துக்கு அமைச்சா் ஜெயக்குமாா் பதில் கூற வேண்டும். சிவகாசியில் பள்ளிச் சிறுமி பாலியல் துன்புறுத்தலுக்கு உள்படுத்தப்பட்டு கொலை செய்யப்பட்டாா். தமிழகத்தில் சட்டம் ஒழுங்கு சீா் குலைந்துள்ளது என்பதற்கு இதுவே உதாரணம் என்றாா்.