இடம் சார்ந்த அறிவாற்றல் என்பது ஆண்களுக்கும், பெண்களுக்கும் சம அளவில் உள்ளது என சமீபத்திய ஆய்வு ஒன்றில் தெரிய வந்துள்ளது.
நேச்சர் சயின்டிஃபிக் ரிப்போர்ட்டில் வெளியிடப்பட்ட ஆய்வில், அறிவாற்றல் சோதனைகளின்போது ஆண்களும் பெண்களும் வெவ்வேறு உத்திகளை கையாள்கின்றனர். அதே நேரத்தில் அவர்கள் ஒரே மாதிரியான முடிவுகளையே வெளிப்படுத்துகின்றனர் என்று தெரிவிக்கப்பட்டுள்ளது.
அறிவாற்றல் சோதனைகளில் ஆண்களுக்கு மன சுழற்சி சோதனை என்ற தனித்துவமான செயல்திறன் உள்ளது என்றும் அதே நேரத்தில் பெண்களுக்கு வரைபட வாசிப்பு திறமை அதிகளவில் இருப்பதாகவும் ஆராய்ச்சியாளர்கள் தெரிவிக்கின்றனர்.
இந்த சோதனைகளில் அவர்கள் பயின்ற பள்ளி, கல்லூரிகளைப் பொறுத்தும் செயல்திறன் மாறுபடுகிறது. அறிவாற்றல் சோதனைகளில், ஆண்களை விட பெண்கள் பல திறமைகளை கொண்டுள்ளனர். ஆனால், அனைத்தையும் பொதுவாக கணக்கிட்டால் சராசரியாக ஆண்கள், பெண்கள் இருவருமே இடம் சார்ந்த அறிவாற்றல் திறன்களில் சம அளவிலேயே இருப்பதாக ஆய்வு முடிவில் தெரிவிக்கப்பட்டுள்ளது.
இந்த ஆராய்ச்சியில்,அமெரிக்காவைச் சேர்ந்த உளவியல் மற்றும் விளையாட்டு அறிவியல் துறையைச் சேர்ந்த இளங்கலை, முதுகலை மாணவர்கள் பலர் பங்கேற்றனர்.