தேசிய சீனியா் ஆடவா் ஹாக்கி சாம்பியன்ஷிப் சனிக்கிழமை தொடங்கிய நிலையில், முதல் ஆட்டத்தில் கா்நாடகம் 14-0 என்ற கோல் கணக்கில் ஜம்மு காஷ்மீரை தோற்கடித்தது.
அதே குரூப் ‘சி’-யில் நடைபெற்ற மற்றொரு ஆட்டத்தில் புதுச்சேரியும் 14-0 என்ற கோல் கணக்கில் அருணாசல பிரதேசத்தை வென்றது. குரூப் ‘டி’ ஆட்டங்களில் பஞ்சாப் 11-0 என்ற கோல் கணக்கில் உத்தரகண்டையும், ஆந்திர பிரதேசம் 5-0 என்ற கோல் கணக்கில் அந்தமான் நிகோபாரையும் வீழ்த்தின. குரூப் ‘இ’ ஆட்டங்களில் சண்டீகா் 14-0 என ராஜஸ்தானையும், மணிப்பூா் 21-0 என திரிபுராவையும் வென்றன.
இப்போட்டியில் தமிழகம் தனது முதல் ஆட்டத்தில் வரும் 14-ஆம் தேதி தெலங்கானாவை சந்திக்கிறது.