உலகக் கோப்பை கிரிக்கெட் போட்டிகளில் (2007-இல் டி20, 2011-இல் 50 ஓவர்) கோப்பையை வென்ற இந்திய அணியில் இடம்பெற்றிருந்த யூசுப் பதான் மேற்கு வங்கத்தின் பஹராம்பூரில் திரிணமூல் காங்கிரஸ் சார்பில் களம் இறக்கப்பட்டுள்ளார்.
குஜராத் மாநிலம், வதோராவைச் சேர்ந்தவர் இவர். மேற்கு வங்க மாநில காங்கிரஸ் கமிட்டி தலைவரும், 2009 முதல் மூன்று முறை அந்தத்
தொகுதியின் எம்.பி.யாகவும் இருந்துவரும் அதீர் ரஞ்சன் செளத்ரியை
யூசுப் பதான் எதிர்கொள்கிறார்.
கிரிக்கெட் வீரர்கள் அரசியல் களம் காண்பது என்பது புதிதல்ல. இதற்கு முன் பலர் களம் கண்டு கிரிக்கெட் ஆட்டங்களைளைப் போலவே
சில நேரங்களில் வெற்றியையும் சில நேரங்களில் தோல்விûயயும்
சந்தித்து இருக்கிறார்கள். அவர்களை குறித்து...
ஃபதேசிங்ராவ் கெய்க்வாட்
பரோடா சமஸ்தான மன்னரான இவர், ரஞ்சி கோப்பை உள்பட முதல்தர கிரிக்கெட் போட்டிகளில் விளையாடியவர். பின்னாளில் இந்திய கிரிக்கெட் கட்டுப்பாட்டு வாரியத்தின் (பிசிசிஐ) தலைவராகவும் இருந்தவர். காங்கிரஸ் சார்பில் பரோடா மக்களûவத் தொகுதியில் 1957, 1962, 1971, 1977 ஆகிய ஆண்டுகளில் போட்டியிட்டு வெற்றி வாகை சூடினார். எம்.பி.யாகத் தேர்ந்தெடுக்கப்பட்ட முதல் கிரிக்கெட் வீரர் இவர்தான்.
டாக்டர் விஜய் ஆனந்த் கஜபதிராஜு
விஜயநகரத்தின் இளவரசரான இவர், 1930-களில் இந்திய கிரிக்கெட் அணிக்கு கேப்டனாக இருந்தார். பின்னாளில் வானொலி வர்ணனையில் புகழ்பெற்றவர். காங்கிரஸ் சார்பில் விசாகப்பட்டினம் மக்களவைத் தொகுதியில் 1962-இல் போட்டியிட்டு வென்றார்.
மன்சூர் அலி கான் பட்டெளடி
கேப்டன் பொறுப்பில் இருந்து நீக்கப்பட்ட பின்னர், 1971-இல் விசால் ஹரியாணா கட்சியின் சார்பில் ஹரியாணா மாநிலம், குர்கானில் போட்டியிட்டு தோல்வியைத் தழுவினார். மத்திய பிரதேச மாநிலம், போபால் மக்களவைத் தொகுதியில் 1991}இல் காங்கிரஸ் சார்பில் போட்டியிட்டபோதும் தோல்வியைத் தழுவினார்.
சேத்தன் செளஹான்
கிரிக்கெட் ஜாம்பவான் சுனில் காவஸ்கருடன் தொடக்க ஆட்டக்காரராக களம் இறங்கி ஜொலித்தவர். உத்தர பிரúதச மாநிலம், அம்ரோஹா மக்களவைத் தொகுதியில் 1991 மற்றும் 1998 தேர்தல்களில் பாஜக சார்பில் போட்டியிட்டு வென்றவர். ஆனால், 1996, 1999, 2004 தேர்தல்களில் தோல்வியுற்றார். எனினும், 2017 சட்டப் பேரவைத் தேர்தலில் நௌகாவான் சாதாத் தொகுதியில் வென்று முதல்வர் யோகி ஆதித்யநாத் தலைமையிலான அமைச்சரவையில் விளையாட்டுத் துறை அமைச்சராகப் பொறுப்பு வகித்தார். துரதிருஷ்டவசமாக, கரோனாவால் பாதிக்கப்பட்ட இவர் 2020 ஆகஸ்ட் 16}இல் உயிரிழந்தார்.
மனோஜ் பிரபாகர்
ஆல்ரவுண்டரான இவர் 1996-இல் தெற்கு தில்லி மக்களவைத் தொகுதியில் அகில இந்திய இந்திரா காங்கிரஸ் (திவாரி) கட்சி சார்பில் போட்டியிட்டு வெறும் 17,690 வாக்குகளுடன் மூன்றாமிடம் பிடித்தார்.
நவ்ஜோத் சிங் சித்து
கிரிக்கெட்டில் சிக்ஸர் சித்து என்று புகழ்பெற்ற நவ்ஜோத் சிங் சித்து வர்ணனையாளராகவும் அசத்தியவர். 2004, 2007 இடைத்தேர்தல், 2009 என அடுத்தடுத்து பஞ்சாப் மாநிலம், அமிருதசரஸ் மக்களவைத் தொகுதியில் பாஜக சார்பில் போட்டியிட்டு "சிக்ஸர்' அடித்தார். ஆனால், அதன் பின்னர் 2017}இல் காங்கிரஸில் இணைந்தார். 2017}இல் அமிருதசரஸ் கிழக்கு சட்டப் பேரவைத் தொகுதியில் வென்று சுற்றுலாத் துறை அமைச்சரானார். கருத்து வேறுபாடு காரணமாக, 2019}இல் அமைச்சர் பதவியை ராஜிநாமா செய்தார். 2022}இல் அதே தொகுதியில் போட்டியிட்டு தோல்வி அடைந்தார்.
கீர்த்தி ஆசாத்
1983}இல் உலகக் கோப்பையை வென்ற கபில் தேவ் தலைமையிலான இந்திய அணியில் இடம்பெற்றவர். பிகார் முன்னாள் முதல்வர் பகவத் ஜா ஆசாத் மகனான இவர், பாஜக சார்பில் பிகார் மாநிலம் தர்பங்கா தொகுதியில் 1999}இல் போட்டியிட்டு வென்றார். 2004}இல் போட்டியிட்டு தோல்வி அடைந்தாலும், 2009, 2014}இல் வென்றார். பின்னர் பாஜகவில் இருந்து விலகி காங்கிரஸில் இணைந்த அவர், 2019}இல் தன்பாத் தொகுதியில் போட்டியிட்டு 4.8 லட்சம் வாக்குகள் வித்தியாசத்தில் தோல்வி அடைந்தார். காங்கிரஸில் இருந்தும் விலகி திரிணமூல் காங்கிரஸில் இணைந்தார். 2024 மக்களவைத் தேர்தலில் மேற்கு வங்க மாநிலம், பர்தமான் } துர்காபூர் தொகுதியில் களம் காண்கிறார்.
சேத்தன் சர்மா
1987 உலகக் கோப்பை போட்டியில் ஹாட்ரிக் வீழ்த்திய இவர் 2009 மக்களவைத் தேர்தலில் ஹரியாணா மாநிலம், ஃபரீதாபாத் தொகுதியில் பகுஜன் சமாஜ் கட்சி சார்பில் போட்டியிட்டு 3}ஆவது இடத்தைப் பிடித்தார்.
முகமது கைஃப்
2003 உலகக் கோப்பை போட்டிக்கான இந்திய அணியில் இடம்பெற்ற முகமது கைஃப் 2014}இல் உத்தர பிரúதச மாநிலம், ஃபூல்புர் தொகுதியில் போட்டியிட்டு வெற்றி வாய்ப்பை இழந்தார்.
முகமது அசாருதீன்
50 ஓவர் உலகக் கோப்பை போட்டிகளில் இந்திய அணிக்கு மூன்று முறை கேப்டனாக இருந்த இவர், 2009}இல் உத்தர பிரதேச மாநிலம், மொராதாபாதில் போட்டியிட்டு வென்றார். எனினும், 2014}இல் ராஜஸ்தான் மாநிலம், டோங்க் } சவாய் மாúதாபூர் தொகுதியில் போட்டியிட்டு தோல்வியுற்றார்.
அனுராக் தாக்குர்
ஹிமாசல பிரதேச முன்னாள் முதல்வர் பிரேம் குமார் தூமல் மகனான இவர், 2000}ஆம் ஆண்டில் ரஞ்சி கோப்பை போட்டியில் ஒரே ஓர் ஆட்டத்தில் விளையாடி உள்ளார். ஹமீர்புர் தொகுதிக்கு 2008}இல் நடைபெற்ற இடைத்தேர்தலில் வென்ற இவர், அதன் பின்னர் 2009, 2014, 2019 ஆகிய தேர்தல்களில் அதே தொகுதியில் தொடர்ச்சியாக வென்றுள்ளார். இப்போது மத்திய செய்தி ஒலிபரப்பு, இளைஞர் நலன், விளையாட்டுத் துறை அமைச்சராக உள்ளார்.
கெளதம் கம்பீர்
2007 (டி20) மற்றும் 2011 (50 ஓவர்) உலகக் கோப்பை போட்டிகளில் சிறப்பான பங்களித்த தொடக்க ஆட்டக்காரரான கெளதம் கம்பீர், 2019}இல் கிழக்கு தில்லி மக்களவைத் தொகுதியில் பாஜக சார்பில் போட்டியிட்டு 3.91 லட்சம் வாக்குகள் வித்தியாசத்தில் அமோகமாக வென்றார். எனினும், கிரிக்கெட் போட்டிகளில் கவனம் செலுத்த முடிவு செய்து அரசியலிலிருந்து "விடுப்பு' கோரி கட்சி மேலிடத்திடம் வேண்டுகோள் விடுத்தார். எனவே அவர் மக்களவைத் தேர்தலில் போட்டியிடவில்லை.
அஸ்வினிகுமார் சோப்ரா
பஞ்சாப் அணிக்காக முதல்தர கிரிக்கெட் போட்டிகளில் விளையாடி உள்ள அஸ்வினிகுமார், 2014}இல் பாஜக சார்பில் ஹரியாணா மாநிலம், கர்னாலில் போட்டியிட்டு வென்றார்.
ராணி நாராஹ்
அஸ்ஸாம் மகளிர் கிரிக்கெட் அணியின் கேப்டனா இருந்துள்ள ராணி நாராஹ், அந்த மாநிலத்தில் உள்ள லக்கிம்பூர் மக்களûவத் தொகுதியில் காங்கிரஸ் சார்பில் 1998, 1999, 2009 ஆகிய ஆண்டுகளில் போட்டியிட்டு வென்றுள்ளார்.