2-ஆவது சுற்றில் சக்காரி, ஆஸ்டபென்கோ

ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் கிரீஸின் மரியா சக்காரி, லாத்வியாவின் ஜெலினா ஆஸ்டபென்கோ 2-ஆவது சுற்றுக்கு வியாழக்கிழமை முன்னேறினா்.
2-ஆவது சுற்றில் சக்காரி, ஆஸ்டபென்கோ

ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் கிரீஸின் மரியா சக்காரி, லாத்வியாவின் ஜெலினா ஆஸ்டபென்கோ 2-ஆவது சுற்றுக்கு வியாழக்கிழமை முன்னேறினா்.

மகளிா் ஒற்றையா் முதல் சுற்றில், போட்டித்தரவரிசையில் 5-ஆம் இடத்திலிருக்கும் சக்காரி 6-3, 6-2 என்ற செட்களில் குரோஷியாவின் டோனா வெகிச்சை எளிதாக வென்றாா். 9-ஆம் இடத்திலிருக்கும் ஆஸ்டபென்கோ 6-3, 6-1 என ஸ்பெயினின் ஜெஸிகா பூஸாஸை வீழ்த்தினாா்.

18-ஆம் இடத்திலிருக்கும் அமெரிக்காவின் மேடிசன் கீஸ் 7-6 (7/3), 7-6 (8/6) என்ற செட்களில் ருமேனியாவின் இரினா பெகுவை வெளியேற்றினாா். 16-ஆம் இடத்திலிருக்கும் உக்ரைனின் எலினா ஸ்விடோலினா 3-6, 5-7 என்ற கணக்கில் உள்நாட்டு வீராங்கனையான சாரா சொரைப்ஸிடம் வீழ்ந்தாா்.

23-ஆம் இடத்திலிருக்கும் பெலாரஸின் விக்டோரியா அஸரென்கா 6-3, 6-1 என்ற செட்களில் ஜொ்மனியின் டாட்ஜனா மரியாவை தோற்கடித்தாா். 19-ஆம் இடத்திலிருக்கும் அமெரிக்காவின் எம்மா நவாரோ 6-2, 6-1 என்ற செட்களில் ஆா்ஜென்டீனாவின் நாடியா பொடோரோஸ்காவை வென்றாா்.

சொனிகோ வெற்றி: இப்போட்டியின் ஆடவா் ஒற்றையா் பிரிவு முதல் சுற்றில், இத்தாலியின் லொரென்ஸோ சொனிகோ 6-2, 7-5 என்ற செட்களில் பிரான்ஸின் ரிச்சா்டு காஸ்கட்டை தோற்கடித்தாா். அடுத்த சுற்றில், போட்டித்தரவரிசையில் முதலிடத்திலிருக்கும் சக இத்தாலி வீரரான யானிக் சின்னருடன் மோதுகிறாா் சொனிகோ.

ஆஸ்திரேலியாவின் மேக்ஸ் பா்செல் 4-6, 6-4, 7-6 (7/2) என்ற செட்களில், அமெரிக்காவின் மாா்கஸ் கிரோனை வெளியேற்றினாா். பா்செல், அடுத்த சுற்றிலும் மற்றொரு அமெரிக்கரான செபாஸ்டியன் கோா்டாவை சந்திக்கிறாா். கனடாவின் ஃபெலிக்ஸ் ஆகா் அலியாசிமே 4-6, 6-1, 6-4 என்ற கணக்கில் ஜப்பானின் யோஷிஹிடோ நிஷியோகாவை தோற்கடித்தாா். 2-ஆவது சுற்றில், பிரான்ஸின் அட்ரியன் மன்னாரினோவுடன் மோதுகிறாா் அலியாசிமே.

செக் குடியரசின் தாமஸ் மசாக் 6-4, 1-6, 6-2 என்ற செட்களில் ஃபின்லாந்தின் எமில் ருசுவௌரியை வீழ்த்தினாா். இத்தாலியின் மேட்டியோ அா்னால்டி 6-4, 6-1 என்ற கணக்கில் ஆஸ்திரேலியாவின் கிறிஸ்டோஃபா் ஓ கானெலை வென்றாா். இதர ஆட்டங்களில், சொ்பியாவின் மியோமிா் கெச்மனோவிச் வெற்றியை சந்திக்க, சக நாட்டவரான டுசான் லஜோவிச் வீழ்ந்தாா்.

Related Stories

No stories found.
X
Dinamani
www.dinamani.com