ஆசிய விளையாட்டுப் போட்டியில் வெள்ளி வென்ற தமிழக வீரர்கள் ஆரோக்கிய ராஜிவ் மற்றும் தருண் அய்யாசாமிக்கு தமிழக அரசு ஊக்கத் தொகை அறிவித்துள்ளது.
18-ஆவது ஆசிய விளையாட்டுப் போட்டிகளில், 4*400 மீட்டர் ஆடவர் தொடர் ஓட்டப் போட்டியில் தமிழகத்தைச் சேர்ந்த விளையாட்டு வீரர்கள் ஆரோக்கிய ராஜிவ் மற்றும் தருண் ஆகியோர் வெள்ளிப்பதக்கம் வென்றனர். இதையடுத்து, அவர்களுக்கு தலா 30 லட்சம் ரூபாய் ஊக்கத் தொகையை தமிழக அரசு வெள்ளிக்கிழமை அறிவித்துள்ளது.
முன்னதாக, 4*400 மீட்டர் கலப்பு தொடர் ஓட்டத்தில் தமிழக வீரர் ஆரோக்கிய ராஜிவ் வெள்ளி வென்றிருந்தார். 400 மீட்டர் தடை தாண்டுதலில் தருண் அய்யாசாமி வெள்ளிப் பதக்கம் வென்றிருந்தார். இந்த பிரிவுகளில் வெள்ளிப்பதக்கம் வென்றதற்கும் தமிழக அரசு அவர்களுக்கு ஊக்கத் தொகை அறிவித்திருந்தது.