மேற்கிந்தியத் தீவுகள் அணிக்காக இதுவரை 9 டெஸ்டுகள், 16 ஒருநாள் ஆட்டங்களில் விளையாடியுள்ள இளம் வீரர் அல்ஸாரி ஜோசப்பை மும்பை இந்தியன்ஸ் அணி தேர்வு செய்துள்ளது.
ஆடம் மில்னேவை அவருடைய அடிப்படைத் தொகையான ரூ. 75 லட்சத்துக்கு ஐபிஎல் ஏலத்தில் தேர்வு செய்தது மும்பை இந்தியன்ஸ். ஆனால், காயம் காரணமாக அவர் ஐபிஎல் போட்டியிலிருந்து விலகியுள்ளார். இதையடுத்து மே.இ. வேகப்பந்துவீச்சாளர் அல்ஸாரி ஜோசப், மும்பை இந்தியன்ஸ் அணிக்குத் தற்போது தேர்வாகியுள்ளார்.