சுடச்சுட

    

    நீக்கப்பட்ட கேப்டனுக்கு அணியில் வாய்ப்பு: உலகக் கோப்பைப் போட்டிக்கான ஆப்கானிஸ்தான் அணி அறிவிப்பு!

    By எழில்  |   Published on : 22nd April 2019 02:50 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2019_CUP1

     

    ஐசிசி ஒருநாள் உலகக் கோப்பை 2019 வரும் மே 30 முதல் ஜூலை 14-ம் தேதி வரை இங்கிலாந்தில் நடைபெறவுள்ளது.

    இந்தப் போட்டிக்கான ஆப்கானிஸ்தான் அணி அறிவிக்கப்பட்டுள்ளது. சமீபத்தில், ஆப்கானிஸ்தான் கேப்டன் அஸ்கர் ஆப்கன், பதவியிலிருந்து நீக்கப்பட்டார். அவருக்குப் பதிலாக குல்பாதின் நைப் ஒருநாள் கேப்டனாக அறிவிக்கப்பட்டார். 31 வயது அஸ்கர் ஆப்கன் கடந்த நான்கு வருடங்களாக ஆப்கானிஸ்தானின் டெஸ்ட், ஒருநாள், டி20 அணிகளுக்கு கேப்டனாக இருந்தார். இந்நிலையில் அவருக்குப் பதிலாக புதிய கேப்டன் அறிவிக்கப்பட்டுள்ளார். இதற்குப் பிரபல வீரர்கள் ரஷித் கான் உள்ளிட்ட பலர் எதிர்ப்பு தெரிவித்தார்கள். இருப்பினும், நைப் உலகக் கோப்பைக்கான கேப்டனாக அறிவிக்கப்பட்டுள்ளார்.

    ஆஸ்திரேலியாவுக்கு எதிராக ஜூன் 1 அன்று தனது முதல் ஆட்டத்தை விளையாடவுள்ளது ஆப்கானிஸ்தான் அணி. 

    ஆப்கானிஸ்தான் அணி: குல்பாதின் நைப், முகமது சஷாத் (விக்கெட் கீப்பர்), நூர் அலி ஜத்ரான், ஹஸ்ரதுல்லா  ஸஸாய், ரஹமத் ஷா, அஸ்கர் ஆப்கன், ஹஸ்மதுல்லா ஷாகிதி, நஜிபுல்லா ஸத்ரான், சமியுல்லா ஷின்வாரி, முகமது நபி, ரஷித் கான், தவ்லத் ஸத்ரான், அப்தாப் ஆலம், ஹமித் ஹஸ்ஸான், முஜீப் உர் ரஹ்மான். 

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai